Tabangan an mga Tinutukduan na Maglikay sa Maraot na mga Pag-iriba

Tanganing magin amigo ni Jehova, dapat na magpili an mga tinutukduan sa Bibliya nin marahay na mga pag-iriba. (Sal 15:1, 4) An marahay na mga pag-iriba makakaimpluwensiya sainda na gibuhon an tama.—Tal 13:20; lff leksiyon 48.

Magpahiling nin empatiya pag tinatabangan mo an saimong mga tinutukduan sa Bibliya na maglikay sa maraot na mga pag-iriba. Tibaad nasasakitan sindang bayaan an saindang kinabanon na mga amigo. Kaya magpahiling sa sainda nin tunay na personal na interes sa mga aldaw na bako nindong iskedyul na mag-Bible study. Puwede mo siyang i-text, apudan, o dalawon. Mantang nag-uuswag an saimong mga tinutukduan, puwede mo sindang iiba sa mga pagtiripon-tipon kan mga lingkod nin Diyos. Dangan malinaw nindang mahihiling na mas dakul an pakinabang na nakakamtan ninda kisa sa nawawara sa sainda. (Mar 10:29, 30) Asin mauugma ka man na mahiling na nagdadakula an pamilya ni Jehova.

HILINGON AN VIDEO DRAMATIZATION NA TABANGAN AN SAIMONG MGA TINUTUKDUAN SA BIBLIYA NA MAGLIKAY SA MARAOT NA MGA PAG-IRIBA, DANGAN SIMBAGON AN MINASUNOD NA MGA HAPOT:

• Ano an maraot na mga pag-iriba?—1Co 15:33

• Ano an pig-iisip ni Jade na piggigibo sa sarong Kristiyanong pagtiripon-tipon?

• Paano tinabangan ni Neeta si Jade na maribayan an maraot kaining pag-iriba?