PAMUMUHAY BILANG KRISTIYANO
Nagmamaigot Sindang Marhay Para Paglingkudan Kita
An mga paraataman nin sirkito saka an agom ninda nagpapahiling nin mapagsakripisyong pagkamuot sa mga pinaglilingkudan ninda. Arog sato gabos, may personal na mga pangangaipo man sinda saka nakakamati man kun minsan nin kapagalan, pagkadisganar, asin kahaditan. (San 5:17) Dawa arog kaiyan, kada semana nagpopokus sinda sa pagpakusog sa mga tugang sa kongregasyon na pigdadalaw ninda. An mga paraataman nin sirkito talagang “maninigo sa dobleng onra.”—1Ti 5:17.
Kan pinaplano ni apostol Pablo an pagdalaw niya sa Roma para “makapaghiras . . . nin espirituwal na regalo” sa kongregasyon duman, mawot niya nanggad na “magpakinurusog-kusugan” sinda kan mga tugang. (Ro 1:11, 12) Napag-isipan mo na daw kun paano mo mapapakusog an saindong paraataman nin sirkito asin an agom niya, kun igwa siyang agom?
HILINGON AN VIDEO NA AN BUHAY KAN PARAATAMAN NIN SIRKITO SA LUGAR NA HARAYO SA SIYUDAD, DANGAN SIMBAGON AN MINASUNOD NA MGA HAPOT:
Sa anong mga paagi ipinapahiling kan mga paraataman nin sirkito asin kan saindang agom an mapagsakripisyong pagkamuot sa kongregasyon?
Paano ka personal na nakinabang sa mga paghihinguwa ninda?
Paano ta sinda mapapakusog?