Pagtuom nin mga Teksto

Nasakitan ka na daw kun minsan na girumdumon an sarong paborito mong teksto sa Bibliya? Puwedeng sarong teksto iyan na nakakaranga saimo, nakakatabang saimo na mapaglabanan an salang mga kaisipan, o na gusto mong ihiras sa iba. (Sal. 119:11, 111) Pag-isipan an nagkapirang suhestiyon na makakatabang sa saimo na makatuom nin mga teksto.

• Gamiton an tag feature sa JW Library^® app. Gumibo nin tag na may label na “Paboritong mga Teksto,” asin i-save an ano man na tekstong gusto mong tandaan sa seksiyon na ini.

• Ilaag an teksto sa lugar na mahihiling mo iyan. Isurat sa papel an sarong teksto na gusto mong matandaan, asin ilaag iyan sa lugar na parati mong mahihiling. An iba idinudukot iyan sa saindang salming; an iba man idinudukot iyan sa pinto kan saindang refrigerator. Pero an iba riniritrato an teksto asin ginagamit iyan bilang wallpaper sa saindang kompyuter o sa cellphone.

• Gumibo asin maggamit nin mga flash card. Isurat sa kard an sitadong teksto asin sa ibong man an laog kaiyan. Dangan purbaran na kotaron an laog kan sitadong teksto o girumdumon kun anong teksto an pigkotar sa ibong kan kard.