An Satong Ministeryo sa Kahadean May Bagong Porma

Sa luwas na ini nin Oktubre, An Satong Ministeryo sa Kahadean may bagong porma. An pinakarhay na disenyo gigibohon na simple an pag-imprenta kaiyan sa dakol na tataramon asin mas pasil an paghanap kan mga nagbabasa sa impormasyon.

Sa bagong pormang ini, an gabos na titulo asin materyales mapaluluwas nin computer. Paagi kaini nagigin simpleng marhay an trabaho sa pag-imprenta kan An Satong Ministeryo sa Kahadean.

Para sa nagbabasa, may nagkapirang pag-oswag. Parareho na kadakula an mga letra, asin an klase nin letrang pinili madaling basahon, minsan saradit. An report sa paglilingkod sa langtad mas pasil na basahon. Saro pa, an pangenot na mga artikulo parateng maluwas sa panluwas na mga pahina, asin an kadaklan na artikulo matatapos sa pahina man sanang iyan. An programa kan Pagtiripon sa Paglilingkod, iskedyul sa Pag-adal sa Libro, report sa paglilingkod, Mga Paisi, Teokratikong mga Bareta, Pagtiripon Bago Maglingkod, Topikong Mapag-oolayan, asin Hapot manonompongan sa panlaog na mga pahina.

Linalaom mi na an kasangkapan na ini magigin mas epektibong pantabang sa gibong paghuhulit kan maogmang bareta kan Kahadean asin paggibo nin mga disipulo.