Andamon an Saindong Pag-aatubang sa Marso
1 Sa pag-alok kan librong Young People Ask ngonyan na Marso, tibaad iniisip nindo kun paano kamo makagagamit nin makakasuratan na tema sa pag-introdusir kaiyan. Daing duwa-duwa na maheheling nindong praktikal na manodan asin gamiton an saro o an gabos sa minasunod na isinusuherir na pag-aatubang.
2 An Daga—Nagdadanay na Istada nin Tawo: Kun boot nindong ponan an pakipag-olay sa mga hobenes na may pagmakolog sa daga asin sa palibot, probaran an temang “An Daga Magdadanay Sagkod Lamang Bilang Istada nin Tawo.” An mga tekstong puwede nindong gamiton iyo an Isaias 45:18 o Eclesiastes 1:4. An tema asin mga teksto yaon sa librong Young People Ask sa pahina 306-7, parapo 3-5.
3 Pakapagpamidbid, puwede nindong sabihon:
◼ “Nagsongko ako nin madali sana tanganing ipakipag-olay an ipinaghahadit na gayo kan dakol sa sato. An daga iyo an satong istada, asin sierto na nahahadit ka man manongod sa pagraot dian. May naheheling ka daw na solusyon sa problema? [Pakomentohon.] Sa halipot, boot kong ipaheling saimo kun ano an sinasabi kan Biblia manongod sa ngapit kan daga sa Eclesiastes 1:4.” Basahon an teksto, asin ipaheling an mga komento sa parapo 3 sagkod 5 sa pahina 306-7 kan librong Young People Ask.
4 Hahaleon an Karatan: Tanganing makua an interes nin mga tawo na naghahadit manongod sa krimen asin kadahasan, tibaad boot nindong gamiton an temang “Hahaleon an Karatan Tanganing an mga Namomoot sa Dios Magkamit nin Buhay Asin Katoninongan.” Gamiton an Salmo 37:2, 9-11 asin pahina 216, parapo 4, kan librong Young People Ask.
5 Pakatapos kan saindong introduksion, puwede nindong sabihon:
◼ “Sa paghona mo daw may maabot pang panahon na dai na kita kaipuhan na magtios nin krimen asin kadahasan? [Pasimbagon.] Itinotokdo kan Biblia an nagdadanay na solusyon digdi sa Salmo 37:2, 9-11.” Basahon an teksto asin buksan sa pahina 216 kan librong Young People Ask tanganing mabasa an parapo 4.
6 An Paglaom sa Pagkabuhay Liwat: Mantang minaabot an panahon na an gabos nagagadanan nin namomotan, puwedeng makaranga na ipakipag-olay an topikong “Ibabalik sa Buhay kan Gobyerno kan Kahadean an Nagadan na mga Namomotan sa Paraisong mga Kamugtakan.” Puwede nindong gamiton an Juan 5:28, 29 o Gibo 17:31 asin ipaheling an komento sa topiko asin teksto sa librong Young People Ask, pahina 132, parapo 1.
7 Puwede nindong ponan sa ikaduwang introduksion sa irarom kan “Old Age/Death” sa librong “Reasoning” dangan sabihon:
◼ “Paminsanminsan an kadaklan sa sato nagigirumdoman an mga namomotan na nagadan. Pero sa paghona mo daw maheheling niato sinda liwat? [Pakomentohon.] An dakol napangangalas na maaraman na an Tataramon nin Dios nanunuga nin pagkabuhay liwat digdi mismo sa daga.” Dangan gamiton an Juan 5:28, 29 o Gibo 17:31, asin an parapo 1 sa pahina 132 kan librong Young People Ask.
8 Andamon asin gamiton an saro o an gabos sa mga pag-aatubang na ini ngonyan na bulan. Kun kakadikit na interes an ipinaheheling, ialok an sarong tract na manongod sa konektadong tema.