Bagong Programa sa Espesyal na Aldaw nin Asamblea
1 An satong pag-adal sa The Greatest Man Who Ever Lived nakadugang sa satong pagpahalaga ki Jesu-Cristo. Tamang-tama, an programa sa espesyal na aldaw nin asamblea na mapoon sa Marso ipaliliwanag an temang “Dayupot na Pagsunod sa Satong Dakulang Arogan,” na tinatabangan kitang lubos pang masabotan kun ano an kahulogan kan pagsunod saiya.
2 Ano man an edad o lawig sa katotoohan, an gabos na maatender sa asamblea mapakokosog na magin orog na arog ni Cristo. Idodoon kan sarong kabtang kan programa an sadol nangorogna para sa mga hobenes. Masasangkapan sinda kaiyan na atubangon an mga angat may koneksion sa edukasyon, pag-aling-aling, asin materyalismo. Magkakaigwa nin mga pahayag, eksperyensia, asin demonstrasyon na nagtatampok kun paano malalabanan an impluwensia kan kinaban asin makaarog ki Cristo.—1 Ped. 2:21.
3 An bago pa sanang mga nagdusay magkakaigwa kan oportunidad na ikapahayag sa publiko paagi sa pagpabautismo na sinda mga parasunod ni Cristo. An nakapupukaw na Makakasuratan na pag-orolay manongod sa temang iyan maeenot sa seremonya sa bautismo. An mga nagmamawot na pabautismo sa espesyal na aldaw nin asamblea maninigong ipaaram an saindang kamawotan sa saindang nangengenot na paraataman na may supisyenteng panahon tanganing ikaareglo nia an mga magurang na ipakipag-olay an itinaong mga hapot para sa mga kandidato sa bautismo.
4 An bisitang espiker, kun igwa, itatao an pangenot na pahayag, na may titulong “Pagsunod sa Satong Dakulang Arogan—Sa Ano Kita Ginigiyahan?” Siertohon na imbitaran an gabos na interesadong tawo sa nakapakokosog asin nakaparirigon sa pagtubod na programang ini. Mayo na nin mas dakula o mas kapakipakinabang kisa sa pagsunod sa satong Dakulang Arogan, si Jesu-Cristo.—Mat. 19:27-29.