Bagong Programa sa Espesyal na Aldaw nin Asamblea
1 Itatampok kan satong espesyal na aldaw nin asamblea na mapoon sa ikaduwang semana kan Pebrero an temang “Padagos na Magpatotoo sa Katotoohan.” Isesentro an bilog na programa sa halimbawa na iwinalat ni Jesus sa sato asin kun paano nia inaprobetsaran an lambang oportunidad na ihiras an katotoohan sa iba. Idodoon kaiyan an satong paninimbagan bilang mga disipulo ni Cristo na arogon sia sa pagpatotoo sa katotoohan.—1 Cor. 11:1.
2 Pag-oolayan an kabtang kan kongregasyon sa pagpalakop kan katotoohan. Idodoon an marahay na paggamit kan satong mga magasin asin iba pang publikasyon.
3 An pangenot na pahayag kan nagdadalaw na espiker kun igwa may temang “Pagpatotoo sa Katotoohan—Kun Ano an Nagigibo Kaiyan.” (Juan 8:32) An programang ini sa espesyal na aldaw nin asamblea siertong mapararom kan satong pagpahalaga sa katotoohan asin matabang sato gabos na magdanay na masarig asin ‘marigon na napapasikad sa katotoohan.’—2 Ped. 1:12; 1 Cor. 15:58.