Pagirumdom Para sa Sekretaryo Asin Paraataman sa Paglilingkod

An paisi sa luwas na Pebrero kan An Satong Ministeryo sa Kahadean kada taon naghahagad sa sekretaryo asin sa paraataman sa paglilingkod na ‘repasohon an aktibidad kan gabos na regular payunir.’ Nagpaparisa an mga report gikan sa nagbibiyaheng mga paraataman na sa dakol na kongregasyon dai pa ini nagigibo. Ano an katuyohan kan repasong ini? Iyan tanganing madeterminaran kun siisay an tibaad nangangaipo nin tabang na maabot an kahagadan na oras bago matapos an taon nin paglilingkod.

Hinahagadan an mga regular payunir na magdusay nin 1,000 oras sa ministeryo kada taon. Sa katapusan kan Pebrero, may mga payunir na nanompongan na kulang sinda sa kahagadan na oras, asin nakakapanluya ini nin boot. Makakatabang an mga magurang sa mga payunir, na tinatawan sinda nin praktikal na mga suhestion sa kun paano ninda maaabot an mga kahagadan sainda.

Aapresyaron kan mga payunir an napapanahon na tabang na ini, na matabang sainda na padagos na makuwalipikar na magdanay sa paglilingkod bilang payunir.