Sarong Espesyal na Imbitasyon
1. Nuarin mapuon an kampanya sa pag-imbitar para sa pangrehiyon na kumbensiyon sa 2014?
1 Kun nagpaplano ka nin sarong espesyal na handaan para sa mga katuod o kapamilya, na talagang paghahandaan asin gagastusan mo, posibleng marhay na gustong-gusto mong mangimbitar. Dakul man na paghahanda an ginibo para sa espirituwal na bangkete sa satong pangrehiyon na kumbensiyon sa 2014. Tulong semana bago kaiyan, may pribilehiyo kitang imbitaran an iba na umatender. Paano kita magigin entusiyastiko sa pag-imbitar?
2. Ano an mapahiro sa sato na lubos na makikabtang sa kampanya?
2 Mapapahiro kita na lubos na makikabtang sa kampanya kun huhurop-hurupon ta kun gurano kita personal na nakikinabang sa espirituwal na bangkete na itinatao ni Jehova sa satong mga kumbensiyon. (Isa. 65:13, 14) Dapat ta man tandaan na may mga resulta an satong ginigibong taunan na kampanya. An nagkapira sa maiimbitaran ta maatender sa kumbensiyon. Dakul man o dikit an maghimati, an maigot na paghihinguwa ta durante kan kampanya matao nin kaumawan ki Jehova asin mapahiling kan pagigin matinao niya.—Sal. 145:3, 7; Kap. 22:17.
3. Paano ididistribwir an mga imbitasyon?
3 Maninigong determinaran kan lambang grupo nin kamagurangan kun paano mahiwas na ikakadistribwir kan kongregasyon an mga imbitasyon, pati na kun baga iwawalat iyan sa mga harong na daing tawo o iaalok sa pampublikong pagpapatotoo sa teritoryo ninda. Pag Sabado asin Domingo, maninigong ialok an mga magasin kaiba kan imbitasyon kun angay. Kun an inot na Sabado kan bulan natangod sa petsa kan kampanya, dapat na mas magpokus kita sa pagdistribwir kan imbitasyon imbes na sa pagpuon nin pag-adal sa Bibliya. Pagkatapos kan kampanya, siyertong mauugma kita huling aram tang entusiyastiko kitang nakikabtang diyan asin nakapag-imbitar nin pinakadakul na tawong mapupuwede na umiba sa sato sa espirituwal na bangketeng ihinanda ni Jehova!