Sampol na mga Presentasyon
Tanganing makapoon nin mga pag-adal sa Biblia sa enot na Sabado nin Marso
“Dakol an nagseselebrar kan pagkamundag ni Jesus, pero para sa saindo, mahalaga daw na girumdomon an kagadanan nia?” Pasimbagon. Dangan, itao sa kagharong an Watchtower na Marso 1, asin pag-olayan nindo an enot na subtema sa pahina 16 saka kisiera saro sa mga teksto. Mag-areglo nin pagdalaw liwat tanganing pag-olayan an sunod na hapot.
The Watchtower Marso 1
“Dakol nin relihion asin denominasyon na may manlaenlaen na paniniwala asin kaugalean. Para sa saindo, an lambang saro daw na nagsasabing sia Kristiano talagang Kristiano? [Pasimbagon.] Segun ki Jesus, ini an sarong midbidan kan tunay na mga Kristiano. [Basahon an Juan 13:34, 35.] Ipinapaliwanag sa magasin na ini an limang sinabi ni Jesus na makakatabang sa sato na mamidbid an tunay na mga parasunod nia.”
Awake! Marso
“Ipinapakipag-olay mi sa mga pagtaraed an manongod sa naggagrabeng ugale nin mga tawo. Dakol ngonyan an lalong nagigin aranggoton asin madaling mag-init an payo. Ano sa paghona nindo an dahelan? [Pasimbagon.] Helingon nindo ining sinasabi kan Biblia manongod sa kaanggotan. [Basahon an Salmo 37:8.] Mababasa nindo sa magasin na ini an nagkapira sa mga dahelan kan grabeng kaanggotan nin mga tawo ngonyan saka an mga paagi kun paano niato makokontrol an kaanggotan.”