Pekanyeni Icibukisho Bwino Bwino

Bushe bonse, ukusanshako kalanda, balyebwa mu kulungatika pa lwa nshita ya kusefya ne cifulo? Bushe kalanda naishiba ukuti programu tailingile ukucila amaminiti 45?

Bushe umuntu umo alipeelwa ulubali lwa kupekanya ifimpashanya? (Moneni Ulupungu lwa kwa Kalinda ulwa February 15, 1990, amabula 16-18.) Bushe imitantikile yalicitwa ku kwanshika itebulo mu kuba ne nsalu ya busaka na matambula yakumanina ne mbale?

Bushe amapekanyo yalicitwa ku kuwamya Iŋanda ya Bufumu pa ntanshi na pa numa ya kulongana? Bushe bakapyunga na ba kupishamo ifimpashanya balipeelwa imbali? Bushe mwalikumana na bene ku kupituluka mu milimo yabo? Ni nshila nshi mukakonka ku kushininkisha ukuti bonse nabasefya bwino?

Bushe imitantikile yalicitwa ku kwaafwa bamunyina na bankashi abakalamba na balwele ukusangwako? Nga ca kuti kuliko abasubwa abali bonse abashingenda no kwisasangwako, bushe amapekanyo yalicitwa kuli bene ukusefyako?