Ifya Kucinkulako pa lwa Cibukisho

Iyakonkapo e milandu ilekabila ukusakamana pa ntanshi ya kusefya Icibukisho pali Cibili, April 2:

◼ Uuli onse, ukusanshako na kalanda, alingile ukwebwa pa lwa nshita ya kulungatika ne cifulo ca kusefeshako.

◼ Umusango walinga uwa mukate na waini filingile ukushitwa no kupekanishiwa.—Moneni Ulupungu lwa kwa Kalinda ulwa February 15, 1985, ibula 19.

◼ Itebulo lyalinga, insalu ya pe tebulo, imbale, na maglasi filingile ukuletwa ku cifulo ca Cibukisho mu kubangilila no kupekanishiwa.

◼ Iŋanda ya Bufumu nelyo icifulo cimbi ica kulonganinamo cilingile ukuwamishiwa mu kubangilila.

◼ Bakapyunga na ba kupishamo balingile ukusalwa no kukambishiwa mu kubangilila pa lwa nshila yalinga ne milimo yabo.

◼ Kulingile ukuba ukutantika kwa kuti abasubwa abalwele abali bonse kabili abashingaba na maka ya kusangwako na bo basefyeko.

◼ Lintu kuliko ukucila pa kusefya kumo ukutantikwe mu Ŋanda ya Bufumu imo, kulingile ukubako ukwampanya kusuma pa kati ka filonganino pa kusengauka ukutitikana kushakabilwa mu cifulo ca kufikilamo, umwa kupita, mu tushila twa mu mbali, no kwa kwimika bamotoka.

◼ Bakapyunga bapeelwe umulimo wa kupenda pali uku kulongana no kulongana kumbi balingile ukusakamana ukuti tabaleleta ifipendo fya kutunganya fye. Abatamfiwa balasuminishiwa ukusangwa ku Cibukisho kabili balapendwa no kupendwa. Nangu cibe fyo, tatupenda umuntu watamfiwa uuli onse nelyo muntu ashilabatishiwa nga alyako.