Na Iwe Wine Kuti Waipakisha Ifya Kukumanya Fisuma!

Bakasabankanya bamo lyonse bamoneka ukukwata ifya kukumanya fya kusekesha, ifya kukoselesha ifya kushimika pa lwa fyo bacishimikila bwino nelyo pa lwa cipempu ca kubwelelamo icibaletele ubuseko ubwingi nga nshi. Ifya kukumanya fisuma ilingi line tafiicitikilako fye. Ubwingi bwa fyene fisako pa numa ya kubombesha kwa mukoosha kabili ukwatwalilila. Te bakasabankanya beka fye abacilapo kulongoloka nelyo ukukampuka abasange fya kukumanya fisuma.

Ifyakonkapo fili e fintu fimo ifyamonwa muli abo abatunguluka nga nshi: (1) Balakana mu mulimo wa mwi bala lyonse, ilingi line imiku yafulilako cila mulungu, icibalenga ukukwata amashuko ya mu nshita ayengi aya kukumanya abalesekelela; (2) balaishininkisha ilyo balelanda ku bene mayanda, tabasondwelela libela ukuti abantu tabaankuleko; (3) balaba aba bucibusa, ukulangisha ubuseko bwa cikabilila, ubwa cine cine mu balekutika; (4) balaba aba mukoosha kabili aba mupampamina ukucite fipempu fya kubwelelamo pamo pene no kubwelela pa bashiba pa mayanda; na (5) balakwata ubuyo bwa kutampa amasambililo ya Baibolo.

Pa numa ya kupimununa imibombele yobe, napamo kuti wamona ifyo na iwe wingaipakisha ifya kukumanya fya kucincimusha ifyafulilako ifisangwilako nga nshi ku kulenga ubutumikishi ukuba ubwa kusandulula kabili ubwa kwikusha.