Ukulongana kwa Mulimo Ukwa October
Umulungu wa Kutampa October 2
Ulwimbo 149
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Koselesheni bonse ukusunga kope wabo uwa “Ukutantika kwe Sukulu lya Butumikishi bwa Teokrasi Ukwa 1996” ukubikilwe muli buno Ubutumikishi Bwesu Ubwa Bufumu. Kulingile ukusungwa pa cifulo icayanguka ku kuloshako mu kati ka 1996.
15 min: “Ukwaafwa Abana Besu Ukwikalilila mu Cine. Ulubali 2—Pa Kusanguka Bakasabankanya ba Bufumu.” Ifipusho ne fyasuko. Ebekesheni inshila Amalembo yaloshiweko yengabomfiwilwamo.
20 min: “Tambika Bamagazini pa Kashita Akali Konse.” Lanshanyeni ifishinka fikalamba, kabili lyene pitulukeni mu fipande ifyo pambi fingabomfiwa pa kutambika bamagazini ba nomba line. Lekeni imipeelele ibili nelyo itatu ilangililwe.
Ulwimbo 153 ne pepo lya kusondwelela.
Umulungu wa Kutampa October 9
Ulwimbo 131
10 min: Ukubilisha kwa pa mwenu. Lipoti wa ndalama.
15 min: Ukukabila kwa pa mwenu. Nelyo ilyashi kuli eluda, “Ukutamfya—Bushe Kupayanya Kwabamo Ukutemwa?” ukushimpwa pa Ulupungu lwa kwa Kalinda ulwa July 15, 1995, amabula 25-7.
20 min: “Bushe Tuletwalilila Ukuba Abalola—Ukusengauka Ifya Kupumbula?” Ifipusho ne fyasuko. Nge nshita ilesuminisha, lundenipo ukulandapo ukushimpwa pa Ulupungu lwa kwa Kalinda ulwa May 1, 1992, amabula 20-2.
Ulwimbo 128 ne pepo lya kusondwelela.
Umulungu wa Kutampa October 16
Ulwimbo 120
10 min: Ukubilisha kwa pa mwenu. Losheni ukusakamana ku katabo katila Good News for All Nations, akapayanya imipeelele ya ku mwinshi no mwinshi mu ndimi 59. Koselesheni ukubomfya aka katabo lintu twakumanya abantu balande ndimi sha cilendo mu cifulo ca kubombelamo. Bilisheni imitantikile ya mulimo wa mwi bala pali Cibili, October 24.
15 min: “Inte sha kwa Yehova na Masomo.” Eluda ukubomfya ifyebo ukufuma mu lyashi lya pe bungano, alanshanya ne bumba lyonse ifyaba muli broshuwa umupya. Kwateni icilangililo capekanishiwa bwino ukulangilila fintu umufyashi engalanda na kafundisha nelyo umulashi we sukulu no kumushalikila broshuwa. Koselesheni ababa na bana ku masukulu ukwananya uyu broshuwa nga fintu calangililwe mu lyashi lya pe bungano nga ca kuti tabalacite fyo.
20 min: “Ifipempu fya Kubwelelamo mu Kuba ne Mifwaile.” Lanshanyeni imifwaile ya kucitile fipempu fya kubwelelamo. Tantikeni ukuti bakasabankanya bafikapo balangilile imipeelele yapusanapusana ibili.
Ulwimbo 130 ne pepo lya kusondwelela.
Umulungu wa Kutampa October 23
Ulwimbo 100
10 min: Ukubilisha kwa pa mwenu. Ilyashi lya Teokrasi.
15 min: “Tulakabila Icilonganino.” Ifipusho ne fyasuko.
20 min: Losha Abalesekelela ku Kuteyanya. Kangalila wa mulimo atungulula ukulanshanya na bakasabankanya babili nelyo batatu, ukubomfya broshuwa wa Inte sha kwa Yehova mu Kwikatana Shicito Kufwaya kwa kwa Lesa mu Kusalala kwa Calo. Londololeni umulandu cabele ca kunonsha ukulenga abalesekelela ukuba abaibukila ulwa fintu ukuteyanya kubomba, fintu imibombele yalekanalekana yatantikwa, na fintu bengabimbwamo. Pitulukeni mu fishinka ukufuma pa mabula 14 na 15 pa “Ukulongana ku Kucincimushanya ku Kutemwa ne Milimo Isuma.” Ibumba lya bakasabankanya lyalangilila fintu ifi fyebo pambi fingasanshiwa mu kulanshanya pa cipempu ca kubwelelamo nelyo pe sambililo lya Baibolo ku kwaafwa uulesekelela ukutesekesha ukukabila kwa kusangwako.
Ulwimbo 126 ne pepo lya kusondwelela.
Umulungu wa Kutampa October 30
Ulwimbo 159
10 min: Ukubilisha kwa pa mwenu. Apo amasukulu yali mupepi no kulaala mu December, koselesheni abacaice ababatishiwa bonse ukulangulukapo ukulembesha nga bapainiya ba kwafwilisha.
15 min: Bushe Walyeshapo Ukutumikisha? Ilyashi. Bakasabankanya bamo baliba na maka ya kutampa amasambililo ya Baibolo ayapya muli iyi nshila: Pa numa ya kusambilila no ulesekelela pa nshita inono, balepusha uyo muntu nga alishibako uuli onse umbi pa fibusa fyakwe, abantu bakwe, nelyo aba kwishibana na bo bakwe abengasekelela mwi sambililo lya Baibolo. Ilingi line amashina yafulilako yalapeelwa. Mwipushe nga wingayabomfya ishina lyakwe lintu ukalatandalila aba bantu. Lintu watandala, pambi kuti watila: “Bakampanda baliipakisha ukusambilila Baibolo sana ica kuti batontonkenye ifyo na imwe kuti mwatemwa ukunonkelamo muli programu we sambililo lya Baibolo uwa pa fye.” Ici kuti capayanya umutande ushaiwamina uwa fipempu fya kubwelelamo uwingalunduluka ukusanguka amasambililo ya Baibolo aya kufumamo cimo. Sanshenimo ifya kukumanya cimo nelyo fibili ukufuma kuli bakasabankanya abasangapo abalesekelela nelyo abatendeka amasambililo ayapya muli iyi nshila.
20 min: Ukutambika New World Translation mu kuba ne citabo ca Baibolo—Cebo ca kwa Lesa Nelyo ca Muntu? mu November. Pitulukeni mu mbali sha New World Translation mu citabo ca Ukupelulula, amabula 269-73. Belengeni “Ubulondoloshi,” ukulondolola umulandu yapangilwe. Asukeni ifi fipusho: Ni pali cinshi ubu bupilibulo bwashimpwa? Ni bani baali bakapilibula? Bushe mu cine cine bupilibulo bwa basambilila? Mulandu nshi ishina Yehova lyabomfiwilwa mu Amalembo ya Bwina Kristu aya ciGreek? Lyene londololeni umulandu twingabela aba kutootela pa kukwata ubu bupilibulo. (Moneni icitabo ca “Amalembo Yonse,” ibula 331, amaparagrafu 22 na 23.) Lekeni kasabankanya wafikapo alangilile imipeelele iipi ukubomfya ukulandapo kwa kwiswila ukwa cipandwa 14 mu citabo ca Baibolo—Cebo ca kwa Lesa Nelyo ca Muntu? ibula 184. Cinkuleniko bonse ukushitako ifi fipeelwa ifya kubomfya mu mulimo muli uno mulungu.
Ulwimbo 138 ne pepo lya kusondwelela.