Ukulongana kwa Mulimo Ukwa January
Umulungu wa Kutampa January 1
Ulwimbo 133
7 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu.
13 min: “Shimikila mu Kushilimuka.” Lanshanyeni ifishinka fikalamba, kabili kwateni ifilangililo pa mipeelele imo nelyo ibili. Lekeni icilonganino cishibe umusango wa fitabo fya kale ifilipo.
25 min: “Icifulo ca Kupepelamo Icawaminako.” Ukulanshanya kwa cipande ukwa cipusho ne casuko. Bomfyeni amaminiti ya kusondwelela yasano ku kwishibisha icilonganino ulwa mulimo uli no kubombwa pa Ŋanda ya Bufumu yenu nampo nga kukuula iipya, nelyo ukukuulululamo mu ilipo nelyo imitantikile ya kulaisungilila bwino.
Ulwimbo 28 ne pepo lya kusondwelela.
Umulungu wa Kutampa January 8
Ulwimbo 138
10 min: Ukubilisha kwa pa mwenu. Lipoti wa ndalama. Tasheni icilonganino mu kulinga pa lwa kwafwilisha ukukabila kwa pa mwenu mu fya ndalama no kwafwilisha umulimo wa mu kusaalala kwa calo uwa kulenga imbila nsuma ukubilwa.
15 min: Ubucingo bwa Advance Medical Directive/Release Card. Eluda alanshanya ne cilonganino ubucindami bwa kwisushisha bwino bwino kardi wa Advance Medical Directive/Release no kumusenda inshita shonse no kukabila kwa kuti abana baleenda na Identity Card lyonse fye. Kardi ipayanya ukusokela libela ukukuma ku cilefwaikwa (nelyo icishilefwaikwa) ukukuma ku kundapa kwa cipatala. Mulandu nshi ici cicitilwa cila mwaka? Kardi wa nomba line kuti acilapo ukunashanasha ukucila uwa kale uwingamonwa ngo ushilebomba nelyo uushilelangilila ukushininwa kwa umo. Kardi akakulandilako nga ca kuti tauli na maka ya kulanda. Amakardi yalapeelwa lelo. Yalingile ukwisushiwa mu kusakamanisha ku ŋanda, lelo tayali no kusainwa. Nga fintu cacitwa mu myaka yafumako ibili, ukusaina no kwikalilo bunte fikacitwa mu fifulo fye Isambililo lya Citabo pa Cilonganino, ukwangalilwa na bakatungulula ba masambililo ya citabo. Abo abakasainapo nge nte balingile ukumonako uko umwine wa kardi alesaina. Ici cikacitwa ilyo isambililo lya citabo lyapwa mu mulungu wa January 15. (Mona ibula 2 ilya Ubutumikishi Bwesu Ubwa Bufumu ubwa January 1994 ku kusanga ifyebo fyalundwapo. Mona na kabili kalata wa November 16, 1992.) Bakasabankanya babatishiwa bonse balingile ukwisushisha Advance Medical Directive/Release card. Bakasabankanya bashabatishiwa kuti pambi bafwaya ukulemba amashiwi yabo ukupitila mu kuteulula ifyebo fyaba pali kardi pa kuti fyumfwane ne mibele yabo. Abafyashi kuti bayafwa abana babo ukwisusha Identity Card.
20 min: “Ukwaafwa Abana Besu Ukwikalilila mu Cine. Ulubali 5: Ukupitila mu Kubombela Capamo.” Ukulanshanya kwa cipusho ne casuko ukutungululwa na eluda. Lungatika ifipusho fya mu maparagrafu yalekanalekana ku balekanalekana mwi bumba: 2 ukufika ku 4 yaye ku bashakwata bana; 5 na 6 ku bafyashi; 7 ku misepela iili mwi bumba. Belengeni amaparagrafu yonse.
Ulwimbo 70 ne pepo lya kusondwelela.
Umulungu wa Kutampa January 15
Ulwimbo 77
12 min: Ukubilisha kwa pa mwenu. Mu kwipifya landeni pa mpika iilekulilako iya bashisangwa pa mayanda. Koselesheni bakasabankanya ukupusushako inshita ukupitila mu kuitendekelako ukutununuka abantu abalepita, abeminine mu mbali ya musebo, nelyo abekele muli bamotoka.
15 min: Ukukabila kwa pa mwenu. (Nelyo “Twalilila Ukuba Uwapamfiwa,” ilyashi ukushimpwa pa Ulupungu lwa kwa Kalinda ulwa October 1, 1995, amabula 25-8.)
18 min: “Bwelelako ku Kupususha Bamo.” Pitulukeni mu mipeelele itubulwilwe. Landenipo ukuti ubuyo bulingile ukuba kutampa amasambililo mu citabo cipya, Ukwishiba Uko Kutungulula ku Mweo wa Muyayaya.
Ulwimbo 156 ne pepo lya kusondwelela.
Umulungu wa Kutampa January 22
Ulwimbo 200
5 min: Ukubilisha kwa pa mwenu.
20 min: “Nonkelamo mu Isukulu lya Butumikishi bwa Teokrasi Ilya 1996—Ulubali 1.” Ilyashi kuli kangalila we sukulu. Pitulukeni mu makambisho yapeelwe ukukuma ku malyashi ya basambi ba mu Isukulu lya Butumikishi bwa Teokrasi, ayamoneke mu Ubutumikishi Bwesu Ubwa Bufumu ubwa October 1995.
20 min: “Landa mu Kushipa.” Ilyashi no kulanshanya ukubombwapo na eluda. Pitulukeni mu kutantika kwa pa mwenu ukwa mulimo wa pa Mulungu. Tasheni ukwafwilisha kusuma ukupeelwa, kabili peeleni imitubululo umo ukuwamyako kulekabilwa.
Ulwimbo 92 ne pepo lya kusondwelela.
Umulungu wa Kutampa January 29
Ulwimbo 31
10 min: Ukubilisha kwa pa mwenu.
15 min: Peeleni ilyashi pa cipande ca mutwe wa kuti “Bushe Ifibindo Filakufuupula?” ukufuma mu Ulupungu lwa kwa Kalinda ulwa September 1, 1994, amabula 27-8.
20 min: Tambika icitabo ca Akalume ka Kusokolola mu February. Londolola umulandu ibuuku lya Ukusokolola pa nshita yalepa lyamwenenwe nge nkama iishingomfwikishiwa. Pitulukeni mu maparagrafu 6 ukufika ku 9 pe bula 8, ukulangisha umulandu ici citabo cikabilwa. Koselesheni bakasabankanya ukwibukishe shi mfundo mu muntontonkanya pa kuti bengakwata ifyebo fya kulanshanyapo ilyo bali pa mwinshi. Losha ku mutwe wa kuti “Imipangilwe ye Buku lya Ukusokolola” pa mabula 98-9, kabili langisha ifyo ulu lubali lwingabomfiwa ukulangisha ifyaba mwi buuku lya Ukusokolola. Losha ukusakamana ku fikope fya kucebusha ifyaba mu kati ka nkupo ya ku ntanshi ne ya ku numa na fintu fingabomfiwa ukutampa ukulanshanya. Cinkulako bonse ukushitako ifya kubomfya mu mulimo ino mpela ya mulungu.
Ulwimbo 143 ne pepo lya kusondwelela.