Ukulongana kwa Mulimo Ukwa November
Umulungu wa Kutampa November 4
Ulwimbo 29
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Landeni pali lipoti wa mulimo wa mwi bala uwa August uwa mu Zambia no wa cilonganino cenu.
15 min: “Bushe Mulelungika Ukusosa Icebo ca kwa Lesa?” Ifipusho ne fyasuko. Sanshenimo ifyebo pa lwa “Imilandu ya kulangulukila Baibolo,” ukufuma mu citabo ca Ukupelulula, amabula 62-64.
20 min: “Awe Uyu E Mweo wa Muyayaya.” (Amaparagrafu 1-5) Pa numa ya kulandapo kwa kwiswila ukwipi mu paragrafu 1, ebeni bakasabankanya bafikapo babili balangilile imipeelele mu maparagrafu 2-5. Komaileni pa buyo bwa kutendeka isambililo lya Baibolo.
Ulwimbo 128 ne pepo lya kusondwelela.
Umulungu wa Kutampa November 11
Ulwimbo 40
10 min: Ukubilisha kwa pa mwenu. Lipoti wa ndalama.
20 min: Mulandu Nshi uwa Kupeelela Kuli Yehova? Baeluda babili balelanshanya, ukukomaila pa fishinka fikalamba mu cipande pa mabula 28-31 mu Ulupungu lwa kwa Kalinda ulwa November 1, 1996. Nelyo ifyebo kuti fyalandwa mu lyashi kuli eluda.
15 min: “Awe Uyu E Mweo wa Muyayaya.” (Amaparagrafu 6-8) Landeni pa busuma bwa kubomfya inshila ya kulungatika mu kutendeka amasambililo ya Baibolo. Ebeni bakasabankanya babelesha ukulangilila imipeelele mu maparagrafu 6-7. Ipusheni ibumba ukushimika ifya kukumanya uko isambililo lyatendekwe pa kutandala kwa kubalilapo. Lintu atambikwe isambililo mu kulungatika, umwaume umo atile: “Ee. Ingileni. Kuti natemwa ukutendeka ukusambilila.” Isambililo lyalitendeke kuli wene, ulupwa lwakwe lonse lwaliilundileko umulungu wakonkelepo, kabili mu kwangufyanya bonse balesangwa ku kulongana no kubombako umulimo wa kucitilo bunte. Koselesheni bonse ukwisa ne ca mu kati ca Ubutumikishi Bwesu Ubwa Bufumu ubwa June 1996 ku Kulongana kwa Mulimo ukwa mulungu ukonkelepo.
Ulwimbo 129 ne pepo lya kusondwelela.
Umulungu wa Kutampa November 18
Ulwimbo 140
10 min: Ukubilisha kwa pa mwenu.
15 min: “Twalikwata Umulimo.” Ifipusho ne fyasuko. Landenipo mu kwipifya pa maparagrafu 13-16 aya mu Ulupungu lwa kwa Kalinda ulwa January 1, 1988, amabula 28-9.
20 min: Ukutungulula Amasambililo ya Baibolo Ayalunduluka. Ilyashi kuli kangalila wa mulimo. Natubomfya icitabo ca Ukwishiba mu mulimo wa masambililo ya Baibolo ukucila pa mwaka umo. Ukwabula ukutwishika abasambi bamo balipwisha ukusambilila icitabo kale kale, ilintu bambi nabatantalila nga nshi. Twalikoseleshiwe ukwangwa ukutungulula amasambililo ayapekanishiwa ku kwaafwa abapya ukusambilila icine mu kwangufyanya, ukucibomfya mu bumi bwabo, no kuba ulubali lwa cilonganino. Ica mu kati ca Ubutumikishi Bwesu Ubwa Bufumu ubwa June 1996 capayenye imitubululo yawamisha ku kutwaafwa ukubomba bwino nga nshi pamo nga bakasambilisha. Mu kwipifya pitulukeni mu fintu fimo ifyo twingacita ku kusambilisha abasambi mu kulamuka, nga fintu calondololwa mu maparagrafu 3-13 aya muli ico ca mu kati. Mu kukonkapo, komaileni pa filekabilwa ukucitwa ku kubaafwa ukwiminina mu kushangila, nga fintu calondololwa mu maparagrafu 14-22. Belengeni amaparagrafu 15, 17, 20-1. Pitulukeni mu malipoti ya kwaafwa ayalelanga ifyo bakasabankanya mu cilonganino cenu bakwata ifya kufumamo fisuma. Koselesheni abafulilako ukubombako umulimo wa masambililo ya Baibolo.
Ulwimbo 85 ne pepo lya kusondwelela.
Umulungu wa Kutampa November 25
Ulwimbo 46
5 min: Ukubilisha kwa pa mwenu.
15 min: “Ifya Kulubula Inshita.” Ifipusho ne fyasuko. Sanshenimo ifyebo ukufuma mu Ulupungu lwa kwa Kalinda ulwa December 1, 1989, amabula 16, 17, amaparagrafu 7-11.
10 min: Umukululo wa Fipusho. Lanshanyeni ne bumba lyonse.
15 min: Pitulukeni mu Ulupapulo lwa Kutambika ulwa December. Tambikeni New World Translation ne citabo ca Baibolo—Cebo ca kwa Lesa Nelyo ca Muntu? Ukubomfya amabula 327-31 mu citabo ca “Amalembo Yonse,” langeni fintu New World Translation yaba iyapulamo: Ilasumbula no kukusha ishina lya bulesa (amaparagrafu 1-2); ubupilibulo bwa iko ubwawamishiwa bulenga ifyebo ukuba ifingomfwika nga nshi (paragrafu 6); yaba cibombelo ca maka ica kubomfya mu butumikishi (amaparagrafu 22-3). Londololeni no kulangilila imipeelele iipi, ukubomfya ifyebo fili pe bula 189 mu citabo Baibolo—Cebo ca kwa Lesa Nelyo ca Muntu? Ukuli konse uko abantu basekelela, kulingile ukubako ukutantika kwashininkishiwa ukwa cipempu ca kubwelelamo.
Ulwimbo 180 ne pepo lya kusondwelela.