Ukulongana kwa Mulimo Ukwa September
Umulungu wa Kutampa September 1
Ulwimbo 26
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Landeni pali lipoti wa mulimo uwa May uwa Zambia no wa cilonganino cenu. Bilisheni icipimo ca pa muulu icipya ica bakasabankanya, kabili batasheni pa fyo babombeleko.
15 min: “Tangisheniko Ifyakatamisha.” Ifipusho ne fyasuko. Nge nshita ilesuminisha, landeni pali “Setting Proper Priorities” (Ukutangishako Ifyalinga) muli Awake! wa February 22, 1987, amabula 8-9.
20 min: “Ukwebako Bambi Icaba Inkaama ku Nsansa sha Lupwa.” Ilyashi ukulanda pa maparagrafu 1 na 6-8. Kwateni icilangililo pa maparagrafu 2-5. Komailenipo ukuti tufwile ukwibukisha ukulenga abasambi no kufika pa buyo bwa kutampa amasambililo.
Ulwimbo 107 ne pepo lya kusondwelela.
Umulungu wa Kutampa September 8
Ulwimbo 27
10 min: Ukubilisha kwa pa mwenu. Lipoti wa ndalama.
10 min: Ukukabila kwa pa mwenu.
10 min: “Amasambililo ya Baibolo Ayalunduluka Ukuba Abasambi.” Ilyashi.
15 min: Eluda alanshanya akamutwe kaleti “Koselesheni Abasambi Ukulola ku Kuipeela no Lubatisho” (km-CW 6/96 ica mu kati, amapara. 20-2) na bakasabankanya babelesha abakwata amasambililo.
Ulwimbo 109 ne pepo lya kusondwelela.
Umulungu wa Kutampa September 15
Ulwimbo 30
10 min: Ukubilisha kwa pa mwenu.
15 min: Bomfyeni Bwino AmaVidio. Pitulukeni mu mitubululo pa lwa kubomfya amavidio ya Sosaite no kushimika ifya kukumanya fya mu mwenu ifilangilila ifya kubomfya bwino amavidio, mu lupwa na mu butumikishi.
20 min: Bushe Mulebomfya Broshuwa wa Inte sha kwa Yehova na Masomo? Eluda alanshanya icipande pa mabula 27-31, na bafyashi bamo bamo na bana. Bashimika ifyo bakumanya mu kubomfya broshuwa wa Amasomo.
Ulwimbo 112 ne pepo lya kusondwelela.
Umulungu wa Kutampa September 22
Ulwimbo 32
8 min: Ukubilisha kwa pa mwenu.
17 min: Ifya Kutendeka Ukulanshanya. Ukutunguluka ukwingi mu butumikishi kushintilila pa fintu tutendeka ukulanshanya na bantu mu nshila isuma. Nga twingasosa icingalenga abantu ukukutika, ninshi twacimfya cimo ica fipindami fyakulisha tukwata mu bunte bwesu. Lanshanyeni ne bumba lyonse imitubululo ingabomba mu Icitabo ca Kutungulula Isukulu, isambililo 16, amaparagrafu 11-14. Tantikeni ukuti bakasabankanya balamuka kabili abakampuka mu kutendeka ukulanshanya bashimike amashiwi ya kwiswila babomfya lintu balelanda na bantu pamo nga (1) abaleenda mu musebo, (2) muli basi, (3) kashitisha wa mwi tuuka, (4) uwishile mu kushita uuli muli motoka eminine, (5) uwikele mu paaka, na (6) untu batumina foni mu bunte bwa pali foni.
20 min: Pitulukeni Muli Lipoti wa Mwaka wa Mulimo uwa 1997 uwa Cilonganino. Kangalila wa mulimo atasha icilonganino pa kubombesha kusuma, maka maka mu March, April, na May. Apeela imitubululo ukufuma kwi bumba lya baeluda no kufuma muli lipoti wa kwa kangalila wa muputule uwalekelesheko ku kwingilishako imibombele ya mwi bala ne ya masambililo ya Baibolo. Atubulula amabuyo yengabomba mu mwaka upya uwa mulimo, ukusanshako ukutampa ukutungulula amasambililo no kubomba bupainiya bwa kwafwilisha mu myeshi ya mpela sha milungu shisano—November, May, na August.
Ulwimbo 113 ne pepo lya kusondwelela.
Umulungu wa Kutampa September 29
Ulwimbo 37
15 min: Ukubilisha kwa pa mwenu. Cinkuleniko bonse ukutuma amalipoti ya mulimo wa mwi bala. Bilisheni ukuti tuli no kutendeka ukusambilila icitabo ca Insansa sha Lupwa pe sambililo lya citabo umulungu uleisa. Mu kupekanishisha umulimo wa magazini mu October, landeni pa kukabila kwa “Kubebeta Icifulo Cenu ica Kubombelamo,” “Ukubeleshanya na Bamagazini,” “Ukuipekanishisha Amashiwi ya Kutendekelako,” “Ukuteulula Ifyebo Ukulinga Mwine Ng’anda,” no “Kwaafwana” ukufuma mu Ubutumikishi Bwesu Ubwa Bufumu ubwa October 1996, ibula 8.
15 min: Eluda alanda pa Umukululo wa Fipusho. Pa kufwaya ukunonkelamo nga nshi mu malyashi ya cintubwingi, bonse tulekabila ukutontonkanyapo pa mitwe ya malyashi yali no kulandwa. Ilyo mushilasangwa ku Kulongana kwa Cintubwingi, esheni ukwibukisha ifyebo fya nomba line ukufuma mu mpapulo sha teokrasi ifyalanda pali uyu mutwe. Lyene ilyo mulekutika, enekeleni ukuti ifi fili no kulandwapo. Kutikeni inshila shipya isha kulandilamo ici cine ku ntanshi. Ici cikashininkisha ukuti muli no kunonkelamo nga nshi mu malyashi ya cintubwingi ayapitulukwamo. Nomba line fye, Sosaite yalipituluka mu maautulaini ya malyashi ya Baibolo ayengi. Mwalisanshiwa ifyebo fipya, kabili ifishinka fyakatama fyalilengwa ukumfwika. Nga ca kuti icilonganino cili no kunonkelamo mu fyebo fyapitulukwamo, bamunyina balanda amalyashi ya Baibolo balingile ukubomfya amaautulaini yapya ukucila ayo baipangila abene. Nga fintu casobelwe pali Esaya 65:13, 14, ulubanda lwa ku mupashi ulwa bantu ba kwa Lesa lutwalilila ukumonekesha. Ukutantika kwa malyashi ya cintubwingi ni imo iya nshila ishingi umo ‘tusambilishiwa kuli Yehova.’—Esa. 54:13.
15 min: Cindikeni Ubutumikishi Bwenu. Ukulanshanya ne bumba lyonse mu citabo ca Ubutumikishi Bwesu, amabula 81-4. Ipusheni ifi fipusho ku kusoobolamo ifishinka fikalamba: (1) Tunonkelamo shani mu kukonka ica kumwenapo ca kwa Yesu? (2) Yakatama shani incito yesu iya kushimikila? (3) Cinshi catulengele ukuipeela kuli Yehova? (4) Myendele nshi ifwaikwa nga umo ali no kubombela Lesa? (5) Cinshi twingasambililako ku mishimikilile ya kwa Yesu?
Ulwimbo 121 ne pepo lya kusondwelela.