Finshi Nkasosa?

Lintu twakumanya abantu mu butumikishi abalekutika, tulafwaya ukubwelelako pa kuti twingabashimikila ifyalundwako. Nangu cibe fyo, nakalimo te kuti twishibe mu kushininkisha ifya kusosa pa kuti twingabimbula ukulanshanya kukonkelepo. Nalimo kuti mwaesha iyi nshila: Ipusheni icipusho ca kulenga ubuseko, kabili lyene alukileni ku citabo ca Ukupelulula ku kulanga icasuko ca mu Malembo. Kuti cayafwa ukukwata umutande wa fipusho apo mwingasala cimo ico mulemona abantu abengi bengasekelelamo pa ng’anda imo. Umutande uli pe samba, uufumine mu citabo ca Ukupelulula, ulelanga inambala ye bula apo icasuko cimo cimo cisangwa:

◼ Mulandu nshi tukotela no kufwa? (140)

◼ Bushe kwalibako imilandu isuma iya kucetekela muli Lesa? (223)

◼ Bushe Lesa mu cituntulu alasakamana icicitika kuli ifwe fwe bantunse? (224)

◼ Bushe umuntu afwile ukuya ku muulu ukukwata mu cine cine inshita ya ku ntanshi iya nsansa? (395)

◼ Mulandu nshi cabele cacindama ukwishiba no kubomfye shina lya pa lwakwe ilya kwa Lesa? (424)

◼ Cinshi cintu Ubufumu bwa kwa Lesa bukapwishishisha? (258)

◼ Mifwaile nshi iya bumi bwa buntunse? (265)

◼ Mulandu nshi kwabelako imipepele iyafule fi? (282)

◼ Ni shani fintu umuntu engeshiba iyaba imipepele yalungama? (288)

◼ Ni shani fintu Satana aba umuntu wa maka mu calo lelo? (245)

◼ Mulandu nshi Lesa asuminishisha ukucula? (310)

◼ Mulandu nshi kubelele ububifi bwafulishe fi? (247)

Kuti mwabika uyo mutande wa fipusho muli Baibolo wenu nelyo mu citabo ca Ukupelulula pa kuti mwingalaloshako mu kwangufyanya. Ukukwata cimo icapampamikwa mu muntontonkanya ica kusosa pa cipempu ca kubwelelamo cikamukoselesha ukuba aba cishinka mu kubwelelako kuli bonse abalesekelela.