Ukulongana kwa Mulimo Ukwa January
Umulungu wa Kutampa January 5
Ulwimbo 10
8 min: Ukubilisha kwa pa mwenu. Musoobolemo na mu Ubutumikishi Bwesu Ubwa Bufumu.
17 min: “Bekelweni mu Bunte bwa Kushimikisha.” Lanshanyeni icipande ne bumba lyonse. Komaileni pa bucindami bwa kubomfya inshila sha kushimikilamo ishibomba bwino: (1) Muposheni muli bucibusa, (2) landenipo nelyo ukwipusha pa lwa lyashi liseekele pali iyo nshita, (3) losheni kwi Lembo lilingile, kabili (4) langisheni ulupapulo luletambikwa. Kasabankanya wafikapo alangilile inshila ya kushimikilamo pa butandashi bwa kubalilapo iitubulwilwe na lintu abwelelamo.
20 min: Ipekanyeni Nomba Ukusumbula Ifunde lya kwa Lesa pa Mulopa. Eluda wafikapo alanda pa bucindami bwa kulemba kardi wa Advance Medical Directive/Release. Ubutungulushi bwapuutwamo ubwaba pa Ilumbo 19:7 bulangilila ukuti Imilimo 15:28, 29 ilangilila ifunde lyafikapo ilya kwa Lesa pa lwa mulopa. Bakapepa ba bucishinka balatukusha ukusumbula lilye funde. Uyu kardi eshibisha umupampamina wenu uwa kucite co no kumulandilako ilyo mushili na maka ya kuilandila. (Linganyeniko Amapinda 22:3.) Kardi umupya alangilila ukubilisha kwa ndakai pa lwa kukaana umulopa. Pa numa ya kulongana uku, Inte shabatishiwa abalefwaya ukukwata kardi umupya bakapeelwa, kabili na bo abakwata abana abanono abashabatishiwa bakapokelela Identity Card wa mwana umo na umo. Aya makardi te ya kulembamo pa numa fye ya kulongana. Yafwile ukulembwamo bwino ku ng’anda lelo TE kusaina. Ukusaina, ukwikalila ubunte, no kulemba inshiku pa makardi yonse kukacitwa pa numa ye Sambililo lya Citabo pa Cilonganino ilikakonkapo, uukalalolekeshapo ni katungulula we sambililo lya citabo. Ici cikashininkisha ukuti bonse abasangwa kwi bumba lyakwe abalefwaya ukusaina uyu medical directive bakafwiwa. Abakalasaina nge nte bafwile ukumonako uko umwine wa kardi alesaina. Abali bonse abashakabeko pali ilya nshita kabili abalefwaya ukulemba no kusaina kardi bakafwiwa na bakatungulula babo abe sambililo lya citabo nelyo baeluda pa Kulongana kwa Mulimo ukukakonkapo ukufikila bakasabankanya babatishiwa bonse bakalembe bwino amakardi yabo. (Pitulukeni muli kalata wa November 16, 1991.) Bakasabankanya bashabatishiwa kuti balemba imitubululo yabo iya kubomfya abene na bana babo pa kukopolola ifyaba pali uyu kardi ku kulinga imibele yabo no kushininwa. Pa kuti tucingililwe bwino ukulingana ne funde lya buteko, calitashiwa ukuti uyu kardi wa Advance Medical Directive/Release aisushiwa.
Ulwimbo 142 ne pepo lya kusondwelela.
Umulungu wa Kutampa January 12
Ulwimbo 125
10 min: Ukubilisha kwa pa mwenu. Lipoti wa ndalama.
15 min: “Bikeni Umutima Wenu pa fya mu Muulu.” Ukulanshanya ne bumba lyonse.
20 min: “Yehova Apeela Ukucishamo kwa Maka.” Ifipusho ne fyasuko. (Moneni w90-CW 7/15 19, amaparagrafu 15-16.) Pekanyeni ukuti bamo bashimike ifya kukumanya fya kukoselesha ifilangilila ifyo Yehova abakoselesha.
Ulwimbo 81 ne pepo lya kusondwelela.
Umulungu wa Kutampa January 19
10 min: Ukubilisha kwa pa mwenu.
15 min: Ukukabila kwa pa mwenu.
20 min: Isambililo lya Lupwa Ilileta Ukusekelela. Abaupana balanda pa fya kukabila fya ku mupashi ifya lupwa lwabo. Pa kusakamikwa pa lwa kusonga kwa calo ukuleambukila abana babo mu nshila yabipa, baumfwa ukukabila kwa kukosha bumupashi bwa bana babo lelo basumina ukuti isambililo lyabo ilya lupwa lya mu nshita mu nshita kabili ilishibomba bwino ilingi. Bapituluka capamo mu kutubulula kwali mu Ulupungu lwa kwa Kalinda ulwa August 1, 1997, amabula 26-9 pa fya kutungulula isambililo lya lupwa ilinonsha. Bonse bapampamina pa kubombelapo ku kucingilila bumupashi bwa bana babo.
Ulwimbo 146 ne pepo lya kusondwelela.
Umulungu wa Kutampa January 26
Ulwimbo 187
12 min: Ukubilisha kwa pa mwenu. Pitulukeni mu lupapulo lwa kutambika mu February. Landenipo icishinka cimo nelyo fibili ukufuma mu citabo ca Akalume ka Ukusokolola ifikaba ifya kwaafwa lintu tuletambika.
15 min: “Langisheni Umucinshi ku Cifulo ca Kupepelako Yehova.” Ifipusho ne fyasuko. Eluda atungulule, afwile ukuteulwila ku mibele ya pa mwenu mu nshila ya cikuuku.
18 min: Ukucita Lipoti Ifyo Tubombako mu Mulimo wa Kushimikila mwi Sonde Lyonse (Ukushimpwa pa citabo ca Ubutumikishi Bwesu, amabula 100-2, 106-10) Ilyashi no kulanshanya ukutungululwa na kalemba. Pa numa ya kulangilila ica kumwenako ca mu Malembo pa lwa kucita lipoti umulimo wesu lyonse, alaalika ababomfi batumikila babili ku kupituluka mu kamutwe ka kuti “Umulandu Tucitila Lipoti Umulimo Wesu uwa mwi Bala.” Lyene kalemba akomaila pa bucindami bwa kulemba amalipoti yalungika bwangu. Alanda imilandu cabela ica kunonsha ukukwata amabuyo ya pa lwenu, ukusondwelela ne fyebo fya kukoselesha pa lwa mapaalo yesa ku babombesha mu mulimo wa kushimikila.
Ulwimbo 189 ne pepo lya kusondwelela.