Ukulongana Kwa Mulimo Ukwa Mu July
Umulungu wa Kutampa July 5
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Landeni pali lipoti wa mulimo wa mwi bala uwa mu March uwa Zambia no wa cilonganino cenu. Ilyashi lya Teokrasi.
15 min: “Pepeni Ukuti Yehova Amwafwe.” Intendekelo tailingile ukucila pali miniti umo, kabili lanshanyeni ifipusho ne fyasuko. Londololeni ifyo amapepo yafumaluka aya misango na misango yabomba umulimo ukalamba mu kutunguluka mu butumikishi. Laalikeni ibumba ukushimika ifyabacitikile ifilelangilila ifyo amapepo ya pa nshita iyene yabaafwile mu butumikishi bwabo.—Moneni Ulupungu lwa kwa Kalinda ulwa October 15, 1996, ibula 32.
20 min: “Amabungano ya Citungu aya mu 1999 aya ‘Icebo ca Kusesema Ica kwa Lesa.’” (Amaparagrafu 1-14) Ifipusho ne fyasuko. Komaileni pa milandu tulingile ukusangwa kwi bungano lyonse, ukusanshako ifiputulwa fya pa bushiku bwa kubalilapo. Komaileni pa bucindami bwa kukonka ubutungulushi bwa Sosaite ubwa kuiletela ifya kulya kwi bungano pa bushiku bumo na bumo. Langilileni ifyo abali kwi bungano bengaasuka mu nshila isuma abaleshitisha ifya kushitisha na balekopa ifikope ilyo balefwaya ukubashitisha nelyo ukubakopa mu cifulo umubelele ibungano ilyo kuli amabungano yesu aya citungu:
Abashitisha ifya kushitisha balefwaya ukushitisha nkashi ifya kunwa:
Nkashi atila: “Nshilefwaya mukwai. Ninjisa ne fya kulya fyandi. Twishile kuno ku kupepa te ku kucita amakwebo. Loleleni pano nalaita kapyunga ukuti amwafwe ukusanga apa kwikala nelyo amifumyeko pano.”
Munyina, umukashi wakwe, no mwana wabo umunono balefwaya ukubakopa ku waba mu bukwebo bwa kukopa:
Munyina akaana, alangisha ku kuboko no kusosa mu kushipa ati: “Iyo mukwai. Ilelo, kuno eko tulepepela, napaapaata mwilenga Yehova Lesa na ine ukubipilwa ukupitila mu kucitila amakwebo pano. Te kwesha ukulanda no lupwa lwandi nelyo bamunyinane pa lwa fikope. Lekeni mfwaye kapyunga nelyo eluda ukumulanga inshila ya kufumina pali lino ibungano lyesu ilya Bwina Kristu.”
Uukopa ifikope afumapo ulubilo.
Umwana wa kwa munyina amwipusha umulandu acikanina ukuti babakope. Wishi alondolola mu kwanguka kabili ukukanapita mu mbali ukuti ilyo kuli ibungano, icifulo ciba icashila mu menso ya kwa Yehova. Tacalinga ukutungilila ifya makwebo pali cino cifulo. Umulandu tubishanishisha na bambi pa mabungano ya Bwina Kristu kupepa Yehova, ukulya pe tebulo lyakwe ilya ku mupashi no kukoseleshanya. Yesu alikalifiwe pa kupanga indalama pa cifulo ca kupepelapo Lesa kabili na ifwe tatufwile ukusuminishe co.—Luka 19:45, 46; om-CW amabula 134-35.
Ulwimbo 181 ne pepo lya kusondwelela.
Umulungu wa Kutampa July 12
Ulwimbo 103
10 min: Ukubilisha kwa pa mwenu. Lipoti wa ndalama.
15 min: “Ukupekanishisha Kabela Kulaleta Ubuseko.” Ilyashi no kwipusha. Londololeni umulandu ukupekanya kwacindamina mu mulimo wa mwi bala ne fyo kutulenga ukusekelela apakalamba mu fyo tulecita. (Moneni Icitabo ca Kutungulula Isukulu, ibula 39, amaparagrafu 1-3.) Ipusheni bakasabankanya bafikapo babili nelyo batatu abalanda ifyo bapekanya ilyo bashilaya mu mulimo na fintu ico cibaafwa. Shimikeni ica kukumanya ukufuma mu Ulupungu lwa kwa Kalinda ulwa April 15, 1993, ibula 30, icilelangilila ifya kubomfya bwino icitabo ca Ukupelulula mu kupekanishisha ubutumikishi.
20 min: “Amabungano ya Citungu aya mu 1999 aya ‘Icebo ca Kusesema Ica kwa Lesa.’” (Amaparagrafu 15-21) Ifipusho ne fyasuko. Bomfyeni amalembo yambwilwe na yaloshiweko ku kukomaila pa mulandu imifwalile, imisakwile, ne myendele filingilwe ukupooswako amano.
Ulwimbo 183 ne pepo lya kusondwelela.
Umulungu wa Kutampa July 19
Ulwimbo 31
10 min: Ukubilisha kwa pa mwenu.
15 min: Ukukabila kwa pa mwenu.
20 min: ‘Tulelanda Bwangu Ico tukonkele!’ Ukulanshanya ne bumba lyonse ne filangililo. Pitulukeni mu mitubululo imo na imo pa lwa fya kusosa pa kulenga mwine ng’anda akutike. Lekeni bakasabankanya babelesha balangilile inshila sha kulandilamo shalekanalekana ishibomba bwino. Laalikeni ibumba ukulanda pa mitubululo yalundwako kabili shimikeni ifya kukumanya fikoselesha ifilangilila ifibomba bwino mu cifulo cenu.
Ulwimbo 189 ne pepo lya kusondwelela.
Umulungu wa Kutampa July 26
Ulwimbo 184
15 min: Ukubilisha kwa pa mwenu. Cinkuleniko bonse ukuleta amalipoti ya mu mulimo wa mwi bala aya July. Umukululo wa Fipusho.
10 min: “Programu Mupya uwa Kulongana kwa Muputule.” Ilyashi. Bilisheni inshiku sha kulongana kwa muputule ukukonkelepo. Koselesheni abapya ukutontonkanya pa lwa kubatishiwa. Cincisheni bonse ukusangwa ku fiputulwa fyonse.
20 min: “Sungilileni Ubusaka pe Bungano Lyesu.” Ifipusho ne fyasuko.
Ulwimbo 14 ne pepo lya kusondwelela.