Ukutantika Ukulongana kwa Mulimo

Umulungu wa Kutampa May 8

Ulwimbo 125

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Pitulukeni mu mukululo wa “Ukupikintika Pe mu Mulimo wa kwa Shikulu.” Londololeni fintu cipilibula ukubombela ukuli ukukabila kukalamba kabili koselesheni bakasabankanya ‘ukwaabukila ku Makedonia no kuya mu kwafwa.’ Sondweleleni ukuti Yehova alapaala bonse abatangisha ifya Bufumu intanshi. Tulapikintika mu mulimo wa kwa Shikulu. Bushe imibele yesu kuti yatusuminisha ukubomba ukucila fintu tulebomba pali ndakai?

20 min: “Ibungano lya Citungu Ilya Nte sha kwa Yehova Ilya mu 2000 Ilileti ‘Bakacita wa Cebo ca kwa Lesa.’” Kalemba alanshanya ifipusho ne fyasuko mu cipande icili mu ca mu kati. Bomfyeni amalembo yaloshiweko ukulangilila umulandu ifwe bonse tulingile ukumfwila amakambisho ya Sosaite. Komaileni pa bucindami bwa kuti cila muntu apokela kabela inshiku sha kutusha pa kuti akalonganeko inshiku shonse ishe bungano, ukusanshako no bushiku bwa kubalilapo. Tasheni bamunyina pa fyo bakonka ukutantika kwa Sosaite.

15 min: “Bushe Mukasangwako?” Ilyashi ne fya kukumanya kuli eluda. Ukulongana kukalamba kwalibomba umulimo ukalamba uwa kukosha abantu ba kwa Lesa ukufuma mu nshita sha mu Baibolo ukufika na mu nshita shesu. (Moneni icitabo ca Proclaimers, ibula 254, amaparagrafu 1-3; na Insight, Volyumu 1, ibula 821, paragrafu 5.) Koselesheni bonse ukutendeka ukupekanya ukusangwako inshiku shonse shitatu kwi bungano lya citungu ilya uno mwaka. Ipusheni ibumba ukushimika ifya kukumanya ifilelangilila ukuti ukubombesha kwabo pa kusangwako no kuipusula kwabo mu myaka yapita kwalilambwilwe lwa ku mupashi.

Ulwimbo 201 ne pepo lya kusondwelela.

Umulungu wa Kutampa May 15

Ulwimbo 134

13 min: Ukubilisha kwa pa mwenu. Lipoti wa ndalama.

12 min: Ukupituluka muli 2000 Yearbook. Lanshanyeni no kupitulukamo ne bumba mu fishinka fya “1999 Grand Totals,” (Ubwingi Bonse mu 1999) pe bula 31. Lyene lanshanyeni “A Letter From the Governing Body” (“Kalata Yafuma kwi Bumba Litungulula”) pa mabula 3-5. Ipusheni bamo ukulanda fintu bakabomfya fintu tulekoseleshiwa.

20 min: “Ukutwalilila Ukushikatala mu Mibomfeshe ya Makompyuta.” Ica mu kati. Ifipusho ne fyasuko. Nga kwabe nshita, belengeni amaparagrafu pamo nga 4-8 na 12-13. Nga ca kuti fyebo ifi tafilekabilwa mu cilonganino cenu, kuti mwalanda pa fyebo fyaba pa mabula 41-54 mu citabo ca Abateyanishiwa ku Kupwilikisha Ubutumikishi Bwesu. Ilyashi ukulandwa na eluda wafikapo, no kwipusha ifipusho ne fyasuko, maka maka pa fyebo fili pa tumitwe tutila “Katungulula we Sambililo lya Citabo pa Cilonganino” na “Ukumwenamo Umo Umo,” pa mabula 43-6.

Ulwimbo 203 ne pepo lya kusondwelela.

Umulungu wa Kutampa May 22

Ulwimbo 36

12 min: Ukubilisha kwa pa mwenu. Pitulukeni mu Umukululo wa Fipusho.

20 min: “Loleni.” Ukulanshanya kwa fipusho ne fyasuko. Londololeni umulandu cili ice pamfya ukuti tube abalola lwa ku mupashi nangu cingati tatwaishiba ubushiku ne nshita.—Moneni Ulupungu lwa kwa Kalinda ulwa November 1, 1995, ibula 20.

13 min: Cinshi Mulepanga Ukucita mu Lusuba? Ulupwa lwalanshanya pa lwa fyo bakacita ilya nshita. Balanda pa lwa kusangwa kwi bungano lya citungu inshiku shonse no kubombako bupainiya bwa kwafwilisha umweshi umo nelyo iyafulilako. Kuti nalimo kwaba ne nshita ya kutandalila ifibusa nelyo ukuya mu kukokoloka. Bonse basuminishanya ukuti tabakaleonaula inshita yatantikwa iya milimo ya bulesa. Bakashininkisha ukuti batuma lipoti wa mulimo wabo uwa mwi bala ku cilonganino bwangu bwangu cila mweshi.

Ulwimbo 83 ne pepo lya kusondwelela.

Umulungu wa Kutampa uwa May 29

Ulwimbo 135

12 min: Ukubilisha kwa pa mwenu. Cinkuleniko bonse ukutuma lipoti wa mulimo wa mwi bala uwa May. Lekeni munyina wafikapo alangilile ukulanshanya ukwipi pa kushalika ulupapulo lwa kutambika mu June. Bacinkuleniko pa lwa mitantikile ya kusangwilako pa kushalika impapulo. Langilileni ifya kutambika isambililo lya Baibolo, ukubomfya isambililo 13 muli broshuwa wa Cintu Lesa Afwaya.

15 min: “Ukusanga Ukusekelela mu Mulimo Wenu Uwashila.” Ilyashi. Londololeni imilandu iilenga ukuti tulesekelela mu butumikishi bwesu.—Moneni Insight, Volyumu 2, ibula 120.

18 min: Ukubelenga Baibolo Ukwingamulambula. Ilyashi ne cilangililo ukufuma mu Icitabo ca Kutungulula Isukulu, pa mabula 34-5, amaparagrafu 6-7. Ukubelenga kwa Baibolo ukwatantikilwa kabela umufuma ifishinka fikalamba, kwaba lubali lwa kukansha kwa mwi Sukulu lya Butumikishi bwa Teokrasi. (Ubutumikishi Bwesu Ubwa Bufumu ubwa December 1999, ibula 5) Lekeni ulupwa lulangilile fintu lwingabelenga ifipandwa fya kubelenga kwa uno mulungu mwi sukulu. Basoobolapo icishinka cimo nelyo fibili ifisuma no kusapika muli Watch Tower Publications Index nelyo Insight on the Scriptures. Langilileni fintu ukubelenga Baibolo kwingabamo ubupilibulo, no kutupangasha sana ‘ukulungiko kusose cebo ca Cine.’—2 Tim. 2:15.

Ulwimbo 95 ne pepo lya kusondwelela.

Umulungu wa Kutampa June 5

Ulwimbo 37

5 min: Ukubilisha kwa pa mwenu.

10 min: Ukukabila kwa pa mwenu.

15 min: “Ishuko Abacaice Bakwata.” Ilyashi no kulanshanya ne bumba lyonse. Shimikeni ifya kukumanya ifyaba mu Ulupungu lwa kwa Kalinda ulwa December 1, 1996, ibula 13, paragrafu 15. Ipusheni abacaice ukulanda fintu baipakisha ukushalika bamagazini. Lekeni uwacaice umo nelyo babili balangilile inshila yayanguka iya kushalikilamo magazini ku ng’anda ne ng’anda. Koselesheni abafyashi ukulasenda abana babo mu mulimo wa kushalika magazini cila mulungu. Ibukisheni no kulanda pa lwa mitantikile ya misangulo.

15 min: “Ni Shani Fintu ‘Balingwa’?” Ilyashi kuli eluda. Londololeni fintu ababomfi batumikila mu cilonganino baba kutantika kwa mu Malembo. (Moneni Insight, Volyumu 2, ibula 409.) Langilileni imilingo intu bafwile ukukumanisha pa kusontwa. (Moneni icitabo ca Abateyanishiwa, pa mabula 55-7.) Londololeni fintu ababomfi batumikila bengabomfiwa, kabili koselesheni bamunyina na bambi ukutinamina ili shuko.

Ulwimbo 82 ne pepo lya kusondwelela