Ukutantika Ukulongana kwa Mulimo
Umulungu wa Kutampa September 9
Ulwimbo 209
13 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya imitubululo ili pe bula 8, citeni ifilangililo fibili pa fya kushalika Ulupungu lwa kwa Kalinda ulwa September 15 na Loleni! ya July—September. Mu cilangililo cimo cimo, langeni inshila shapusana isha kwasukilamo abengafwaya ukucilikila ukulanshanya na mashiwi ya kuti “Nshaba uwasekelela mu Nte sha kwa Yehova.”—Moneni icitabo ca Ukupelulula, amabula 17-18.
17 min“Ukwaafwa Bambi Ukulumbanya Yehova.”a Nga mwashalako ne nshita, landeni pa cishinka cimo atemwa fibili mu citabo ca Ukupelulula, amabuula 424-6.
15 min: Mulandu Nshi Bashakwatila Citetekelo? Ukulanshanya ne bumba. Ilingi line tulasanga abantu abakwata icitetekelo cinono. (2 Tes. 3:2) Pa kulanda na bo icine pali Yehova, tufwile intanshi ukwesha ukwishiba icabalenga ukulatontonkanya ifyo batontonkanya pali Lesa. Moneni ifintu fine ifyalandwapo mu citabo ca Ukupelulula, amabula 124-5, ifingacilikila abantu ukukwata icitetekelo. Ipusheni ibumba ukulondolola ifyo twingacita ukukuma ku cishinka cimo cimo. Shimikeni icacitike icilelanga inshila isuma iya kushimikilamo, nelyo landeni pa cili muli Awake! wa August 22, 1993, amabula 14-15.
Ulwimbo 122 ne pepo lya kusondwelela
Umulungu wa Kutampa September 16
Song 163
10 min: Ukubilisha kwa pa mwenu. Lipoti wa ndalama. Koselesheni bonse ukupituluka mu fyo balembele pa kulongana kwa muputule ukwafumineko ku kupekanishisha Ukulongana kwa Mulimo ukwa mulungu ukakonkapo.
18 min: Bushe Twabombele Shani Uyu Mwaka Wapwile? Ilyashi ukulandwa na kangalila wa mulimo. Landeni pa fyo icilonganino cabombele mu mwaka wa mulimo uwa 2002. Tasheni bonse pa fisuma fyabombelwe. Landeni pa fyo icilonganino cabombele mu kusangwa ku kulongana, ukucita ifipempu fya kubwelelamo no kutungulula amasambililo ya Baibolo, muli bupainiya bwa kwafwilisha, no kulondolola ifyo bengawamyako. Bikeni amabuyo yengafikwapo aya uyu mwaka uleisa.
17 minAmafya Abafyashi Abashimbe Bakwata. Eluda aipusha abafyashi bashimbe bamo nelyo babili (nelyo abo abena mwabo te baNte) ku kumona ifyo bacita na mafya yakuma ukukansha, ukufunda, no kutungulula abana babo mu fya kwa Lesa. Bushe bakumanisha shani ukubomba imilimo ya mu lupwa no kusangwa ku kulongana no kubomba ubutumikishi lyonse? Landeni pa mitubululo imo iyali mu citabo ca Insansa sha Lupwa, amabula 104-10. Nge fyo calondololwa pa mabula 113-15, londololeni inshila shisuma bambi bengaafwilamo.
Ulwimbo 149 ne pepo lya kusondwelela
Umulungu wa Kutampa September 23
Ulwimbo 107
10 min: Ukubilisha kwa pa mwenu. Ukubomfya imitubululo ili pe bula 8, teyanyeni eluda alange ifya kushalika Ulupungu lwa kwa Kalinda ulwa October 1 no mubomfi utumikila alange ifya kushalika Loleni! ya October—December. Pa numa ya cilangililo cimo cimo, bwekeshenipo sentensi ya kubalilapo nelyo yabili ayo bacilanda ku kulenga mwine ng’anda ukufwaya ukukutika.
10 min: Ukukabila kwa pa mwenu.
25 min: “Tiineni Lesa no Kumupeelo Mucinshi.” (Ukus. 14:7) Ilyashi no kulanshanya ne bumba ukupituluka muli programu wa kulongana kwa muputule ukwaliko umwaka wa mulimo uwapwile. Ipusheni ibumba balande pa fishinka fikalamba ifyo twasambilile ne fyo bafibomfeshe abene nelyo nge ndupwa. (Kuti mwaebela calimo aba kulandapo.) Landeni pali aya malyashi yali pa kulongana: (1) “Afweni Abapya Ukuba na Katiina ka Kuli Lesa.” Kuti twaafwa shani abalefwaya ukusambilila abasangilwe ku Cibukisho ukulunduluka no kuba ababomfi bacincila aba kwa Yehova? (2) “Ukutiina Yehova E Kupato Bubi.” (w87-CW 4/15 16-18) Bushe Amapinda 6:16-19 kuti yatwaafwa shani ukutaluka ku fintu Yehova apata, e kuti icilumba, ukubepa, ukukonkelela ifyuma, amafilimu yashawama, no kukanabomfya bwino Intaneti? (3) “Lyonse Palameni ku Bantu Mwatemwa.” Twalitemwa Yehova, Yesu, aba mu lupwa, na bambi mu cilonganino; bushe ukupalama kuli bene kutucingilila shani ku calo? (4) “Tiineni Lesa, Mwitiina Abantu.” Bushe ukutiina ukukalifya Yehova kwamwafwa shani ukucimfya umwenso ilyo muleshimikila, ukunakila ku fishinte fya kwa Lesa ku ncito nelyo ku sukulu, nelyo ukukaana ifyo abamwingisha incito bamupatikisha ukuti mupuswe ku kulongana kwa pa cilonganino, ukulongana kukalamba, nelyo amabungano? (5) “Citeni Fyosne ku Kucindika Lesa.” (Amalu. 119:37; Heb. 4:13) Mulandu nshi akatiina ka kuli Lesa kalingile ukutucilikila ku kucishamo ukunwa ubwalwa, ukutamba ifye shiku, nelyo ukucita imembu shimbi isha mu bumfisolo? (6) “Twalilileni Ukwendela mu Katiina ka Kuli Yehova.” Bushe Yehova amupaala shani pa kusumina ukunakila ku mupashi wakwe mu bumi bwenu bonse?—Amalu. 31:19; 33:18; 34:9, 17; 145:19.
Ulwimbo 171 ne pepo lya kusondwelela.
Umulungu wa Kutampa September 30
Ulwimbo 116
15 min: Ukubilisha kwa pa mwenu. Cinkuleniko bakasabankanya ukutuma amalipoti ya mulimo wa mwi bala aya mu September. Lanshanyeni umutwe uleti “Programu ya Kukuula Amayanda ya Bufumu Iletwalilila.”
15 min: Cinshi Cilenga Bamagazini Besu Ukuba Abaibela? Ilyashi no kulanshanya ne bumba. Mu mweshi wa October tukalashalika Ulupungu lwa kwa Kalinda na Loleni! Lanshanyeni umulandu bamagazini besu babela abaibela: (1) Balalumbanya ishina lya lwa Yehova. (2) Bakoselesha ukutetekela Yesu. (3) Balabila Ubufumu bwa kwa Lesa. (4) Balanga ukuti Baibolo e yapulishamo. (5) Balondolola ukufishiwapo kwa kusesema kwa mu Baibolo. (6) Balondolola ifyo ifilecitika mu calo filangilila. (7) Balanga ifya kucita na mafya tukwata muno nshiku. (8) Balitemwikwa ku bantu fye bonse. (9) Tabatungilila ifikansa fya calo. Citeni ifilangililo ifipi fibili, cimo cimo ukulanga ifyo icishinka cimo pali ifi cingabomfiwa ku kutendeka ukulanshanya.
15 min: “Cindamikeni Ifipe fya Teokrasi.”b Ukulandwa na eluda. Landeni na pa fyo mwamona ificitika ku mwenu ne co icilonganino cingacita ku kubomfya bwino impapulo. Cincisheni bonse ukuorda fye impapulo isho balekabila. Ibukisheni ishuko lya kusangwilako indalama ku kwaafwilisha umulimo wa mwi sonde lyonse.—Moneni icipande cileti “Peeniko Bambi Ifyo Balekabila,” mu Ubutumikishi Bwesu Ubwa Bufumu ubwa mu June 2002, pe bula 3.
Ulwimbo 21 ne pepo lya kusondwelela.
Umulungu wa kutampa October 7
Ulwimbo 129
10 min: Ukubilisha kwa pa mwenu. Landeni pa mukululo uleti “Cindamikeni Abalwala.”
15 min: Ukusosela Icine ku Sukulu. Ipusheni kasabankanya wacaice umo nelyo babili abaya ku sukulu kabili abasangile ukuti balekabila ukucefyako ukubishanya na balya basambilila na bo mu kalasi abashasumina. Bushe balepanga ukucita shani na mafya na matunko yesa pa mulandu wa kusefya kwa buluko, ukucinda ku sukulu nelyo ukukumana capamo, ifyangalo, nelyo imibele yabipa? Lekeni balande na pa fyo baleteyanya ukushimikila ku sukulu.
20 min: “Mulandu Nshi Tulingile Ukuibakila ku Lwambo?”c Komaileni pa Malembo umufumine uku kufunda, ukubelenga no kulanshanya pa malembo yalimo ayo mwingakumanisha ukubelenga.
Ulwimbo 105 ne pepo lya kusondwelela.
[Amafutunoti]
a Ukulandapo kwenu pa kwiswila kwicila pali miniti umo, lyene tendekeni ukulanshanya kwa fipusho ne fyasuko.
b Ukulandapo kwenu pa kwiswila kwicila pali miniti umo, lyene tendekeni ukulanshanya kwa fipusho ne fyasuko.
c Ukulandapo kwenu pa kwiswila kwicila pali miniti umo, lyene tendekeni ukulanshanya kwa fipusho ne fyasuko.