Ukutantika Ukulongana kwa Mulimo

Umulungu wa Kutampa December 8

Ulwimbo 221

10 min: Ukubilisha kwa pa mwenu. Ukubilisha kwasoobolwa mu Ubutumikishi Bwesu Ubwa Bufumu. Ukubomfya imitubululo pe bula 8, citeniko ifilangililo pa fya kushalika Ulupungu lwa kwa Kalinda ulwa December 15 na Loleni! wa October-December. Mu cilangililo cimo na cimo, bamagazini bonse babili bafwile ukushalikwa nelyo ca kuti umo fye e ulelandwapo.

20 min: “Bushe Kuti Kwabako Shani Ukwikatana kwa Cine Ukwa Bwina Kristu?”a Ilyo mulelanshanya paragrafu 5, ipusheni aba mwi bumba ukushimika ifya kukumanya fya pa lwabo ukukuma ku mabungano ya pa kati ka nko, amakuule yakuma ku fya Bufumu, nelyo umulimo wa kukumbusuka ifilangilila ukwikatana kwesu ukwa Bwina Kristu.

15 min: “Isukulu lya Butumikishi Ilya Bulesa Ilya mu 2004.” Ilyashi ukulandwa na kangalila we sukulu. Landeni na pa fyaba mu ca mu kati ica Ubutumikishi Bwesu Ubwa Bufumu ubwa October 2003.

Ulwimbo 108 ne pepo lya kusondwelela.

Umulungu wa Kutampa December 15

Ulwimbo 71

10 min: Ukubilisha kwa pa mwenu. Landeni pa fili mu mukululo uleti “Shi Angufyanyeni Ukuyako.” Langeni ibumba formu wa S-70 nga namukwata. Bilisheni ukutantika kwaibela ukwa mulimo wa mwi bala pa December 25 na pa January 1.

15 min: Isambililo lya pa Lwesu—Na lyo Lyaba Kupepa. Ilyashi ukushimpwa pa Ulupungu lwa kwa Kalinda ulwa October 1, 2000, amabula 14-15, amaparagrafu 6-10.

20 min: “Afweni Abalemenena ku Busuma.”b Bomfyeni amepusho yateyanishiwe. Pitulukeni mu mitubululo ya kucite fipempu fya kubwelelamo pa mukululo uli pe bula 3 ilya Ubutumikishi Bwesu Ubwa Bufumu ubwa mu May 1997.

Ulwimbo 42 ne pepo lya kusondwelela.

Umulungu wa Kutampa December 22

Ulwimbo 10

12 min: Ukubilisha kwa pa mwenu. Lipoti wa ndalama. Ukubomfya imitubululo ili pe bula 8, citeniko icilangililo pa fya kushalika Ulupungu lwa kwa Kalinda ulwa January 1 na Loleni! wa October-December. Cinkuleni bonse ulwa Kulongana kwa Mulimo ukwaibela uyu mulungu uleisa ilyo kukaba ukupeelwa amakardi ya Advance Medical Directive/Release card.

15 min: “Twalipeele Lesa Wesu Ubukata.” Ilyashi lyacincimuka, kabili kuti cawama nga lyalandwa na kangalila wa mulimo. Landeniko pali fimo ifya kukoselesha muli lipoti wa August. Landeni pali fimo ifilekabila ukwangwako pa kuti kukabe ukulunduluka ku ntanshi mu cilonganino no kulondolola ifingacitwa pa kuwamyako. Tasheni bamunyina pa fyo balebomba mu mulimo wa mwi bala.

18 min: “Ukufwaya Abayana.”c Landeni ifi fyebo ukulingana ne fingabomba ku cifulo cenu. Ni lilali abene mayanda bengasangwa sana pa mayanda? Finshi mwasanga mu kushimikila icungulo kasuba nelyo icungulo bushiku? Ni nshila nshi mwingabomfya pa kuti mulande na bashisangwa sana pa mayanda?

Ulwimbo 209 ne pepo lya kusondwelela.

Umulungu wa Kutampa December 29

Ulwimbo 200

13 min: Ukubilisha kwa pa mwenu. Koselesheni bakasabankanya bonse ukutuma amalipoti ya mulimo wa mwi bala aya December. Lumbuleni ulupapulo lwa kushalika mu January.

17 min“Talukeni ku Mulopa Muli Bucishinka.” Ukulandwa na eluda wafikapo. Belengeni Imilimo 15:28, 29, kabili mu kwipifya komailenipo ukuti umulandu ukalamba Abena Kristu bakaanina ukubikwamo umulopa wa kucindika ifunde lya kwa Lesa pa lwa kushila kwa mulopa. Lyene tendekeni ukulanshanya ifyebo. Pa kusondwelela, koselesheni ibumba lyonse ukutontonkanya sana pa mepusho yali mu mukululo uleti Ifipusho Mulingile Ukuipusha.

15 min: Ukuba Abashipa Ilyo Tulelolenkana no Bwafya bwa Kundapwa. Ilyashi ukulandwa na eluda wafikapo, ukubomfya autulaini wafuma kwi ofesi lya musambo. Landeni pa fishinka fikalamba mu mukululo uleti “Ifya Kutwafwa Ukutaluka ku Mulopa.”

Ulwimbo 182 ne pepo lya kusondwelela.

Umulungu wa Kutampa January 5

Ulwimbo 103

5 min: Ukubilisha kwa pa mwenu.

10 min: Ukubombela Ukuli Ukukabila Kukalamba.

15 min: Ukucucutika Kwenu Te kwa Fye. (1 Kor. 15:58) Ukulanshanya ne bumba lyonse. Pekanishisheni kabela ukuti bakasabankanya ababomba pa myaka iingi bashimike ifyali umulimo mu nshiku sha ku kale. Ni banga baalesangwa ku kulongana? Bushe icifulo icilonganino caleshimikilamo cakulile shani? Bushe abantu baleankulako shani ku bukombe bwa Bufumu? Kukaanya kwa musango nshi mwalekumanya? Bushe umulimo wa Bufumu wakula shani mu ncende yenu mu kupita kwa myaka?

15 min: Umukululo wa Fipusho. Ilyashi ukulandwa na eluda.

Ulwimbo 7 ne pepo lya kusondwelela.

[Amafutunoti]