Ukutantika Ukulongana kwa Mulimo
Umulungu wa Kutampa August 9
Ulwimbo 57
10 min: Ukubilisha kwa pa mwenu no kubilisha kwasoobolwamo mu Ubutumikishi Bwesu Ubwa Bufumu. Nga ca kuti imitubululo ili pe bula 8 kuti yabomba mu cifulo icilonganino cenu cishimikila, ibomfyeni ku kulangilila ifya kushalika Ulupungu lwa kwa kalinda ulwa August 15 na Loleni! wa July–September. Kuti mwashalika aba bamagazini na mu nshila shimbi. Landeni na pa fyo tushalika impapulo na pa musangulo wa kuitemenwa. Cinkuleniko ibumba ukwisa na broshuwa wa Cintu Lesa Afwaya umulungu ukakonkapo.
15 min: “Abashipikisha Balalambulwa.”a Landeniko panono na pa fyebo fili mu Ulupungu lwa kwa Kalinda ulwa December 15, 2000, amabula 22-3, amaparagrafu 15-18.
20 min: Ukubomfya Amatrakiti ku Kutendeka Amasambililo ya Baibolo. Ilyashi no kulanshanya ne bumba lyonse ukushimpwa pa Ubutumikishi Bwesu Ubwa Bufumu ubwa November 2001, amabula 3-4. Komaileni pa kutila tulasambilisha ukulingana no kukabila kwa musambi umo na umo nga fintu paragrafu yalenga 5 ilelanda. Citeniko ne filangililo ifipi fibili nelyo fitatu ukulingana ne mitubululo ili pe bula 8-10. Nga ca kuti inshila imbi kuti yabomba bwino mu cifulo cenu, ninshi e yo mulondolole no kulangilila. Ebeni ibumba ukushimika ifyo bakumanya ilyo baleshalika trakiti wa Bushe Kuti Mwatemwa Ukwishiba na Fimbi Pali Baibolo?
Ulwimbo 74 ne pepo lya kusondwelela.
Umulungu wa Kutampa August 16
Ulwimbo 189
10 min: Ukubilisha kwa pa mwenu.
15 min: Sambilisheni Abana Benu Icine. Ilyashi ukufuma mu citabo ca Insansa sha Lupwa, amabula 55-9. Landeni pa nshila shine isho abafyashi bengafwilamo abana babo ukupalama sana kuli Yehova no kulangilila ifyo ifyebo fingabomfiwa.
20 min: “Ukutungulula Amasambililo ya Baibolo Ayalunduluka—Ulubali 2.”b Sanshenimo ne cilangililo ca baminiti 5. Kasabankanya aipusha Eluda ifya kwafwa umusambi ukulunduluka. Eluda alondolola ati ubwafya bubapo ilingi kupoosa inshita iikalamba sana iye sambililo ku kulondolola ifishicindeme sana ne fishikumine sana isambililo. Ukubomfya isambililo 9 muli broshuwa wa Cintu Lesa Afwaya, alanga kasabankanya ifyo (1) engapoosa amano ku kulondolola ifishinka fikalamba mwi sambililo, (2) engabomfya bwino amalembo yali mwi sambililo ayashambwilwe, na (3) ifyo engatungulula isambililo ukulingana no kukabila kwa musambi. Alanda ukuti ukupekanya bwino kulakabilwa lyonse pa kutungulula isambililo.
Ulwimbo 85 ne pepo lya kusondwelela.
Umulungu wa Kutampa August 23
Ulwimbo 33
15 min: Ukubilisha kwa pa mwenu. Lipoti wa ndalama. Langilileni ifya kushalika Ulupungu lwa kwa Kalinda ulwa September 1 na Loleni! wa July-September. Mu cilangililo cimo na cimo, langilileni ifya kushimikila kuli kafundisha.
10 min: “Inshila Ipya iya Kupitulukila mu Kulongana Kukalamba.” Ilyashi no kulanshanya ne bumba ukushimpwa pa cipande cili pe bula 4. Landeni pa nshiku sha kulongana kwa muputule ukukakonkapo nga nashishibikwa. Abalefwaya ukubatishiwa bafwile ukwishibisha kabela kangalila wa kutangilila.
20 min: Icine Cilekatanye Ndupwa. Ilyashi no kulanshanya ne bumba lyonse. Abasambilila na ifwe Baibolo, limo balashimunuka ukubombela Yehova pa mulandu wa kuti aba mu lupwa lwabo balabakaanya. Shimikeni ifya kukumanya fili mu: Ulupungu lwa kwa Kalinda, ulwa January 1, 2002, amabula 14-15; ulwa December 1, 2000, ibula 8; ulwa September 1, 1999, ibula 32; ulwa January 1, 1999, ibula 4; na muli Awake! wa February 22, 1998, ibula 31. Landenipo ukuti ifintu mu lupwa filawaminako na lintu umo fye mu lupwa alekonka ifishinte fya mafunde ifya mu Baibolo.
Ulwimbo 220 ne pepo lya kusondwelela.
Umulungu wa Kutampa August 30
Ulwimbo 90
10 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo babombele mu August.
15 min: “Isukulu lya Kukansha Ilya Butumikishi—Umwinshi Ukalamba Uutungulula ku Milimo Yalekanalekana.” Ilyashi no kulanshanya ne bumba lyonse. Sanshenimo ifyebo ukufuma muli 2004 Yearbook, pa mabula 239-40. Landeni ukuti pa kulongana kwa muputule no kwa citungu palaba ukukumana kwa balefwaya ukuya kwi Sukulu lya Kukansha Ilya Butumikishi. Koselesheni abafikilepo ukuti bakasangweko kuli uku kukumana.
20 min: Bushe Mwalimwenamo? Ukulanshanye ne bumba. Pitulukeni muli iyi mitubululo yali mu Ubutumikishi Bwesu Ubwa Bufumu mu mwaka wa mulimo uwapita iyaleti: Lembeni ifyebo ifipi pa kapepala ifya kulanda pa ntendekelo. (km 10/03 Ibu.8) Lungatikeni ukutasha kabili tasheni pa fya cine cine. (km 11/03 ibu. 1) Muleshimikila pa nshita abantu basangwa sana pa mayanda. (km 12/03 ibu. 1) Teyanyeni inshita sha kubelenga Baibolo, ukupekanya ukulongana no kuya mu butumikishi. (km 1/04 ibu. 4) Bomfyeni broshuwa wa “Icalo Cisuma” ilyo muli pe sambililo lya pa lwenu na lintu mulebelenga Baibolo. (km 3/04 ibu. 2) Imikeni ubuyo bwa kubelenga Baibolo yonse. (km 4/04 ibu. 1) Muleshimikila mu fifulo fya makwebo. (km 7/04 ibu. 4) Mulebomfya amatrakiti pa kutendeka amasambililo ya Baibolo. (km 8/04 ibu. 2) Ebeni ibumba ukulanda pa fyo bamwenamo mu kukonka iyi mitubululo.
Ulwimbo 145 ne pepo lya kusondwelela.
Umulungu wa Kutampa September 6
Ulwimbo197
5 min: Ukubilisha kwa pa mwenu.
15 min: Ukukabila kwa pa mwenu.
25 min: “Beni no Mupashi wa Bupainiya.”c Ipusheni painiya umo nelyo babili mu kwipifya. Lekeni balande ifyo abafyashi babo, baeluda nelyo bambi fye babakoseleshe ukutendeka umulimo wa nshita yonse.
Ulwimbo 142 ne pepo lya kusondwelela.
[Amafutunoti]
a Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa mepusho na masuko.
b Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa mepusho na masuko.
c Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa mepusho na masuko.