Ukutantika Ukulongana Kwa Mulimo

Umulungu wa Kutampa March 14

Ulwimbo 132

10 min: Ukubilisha kwa pa mwenu na Ilyashi lya Teokrasi. Ukubilisha kwasoobolwamo mu Ubutumikishi Bwesu Ubwa Bufumu. Bomfyeni imitubululo ili pe bula 8 ukulangisha ifya kutambika Ulupungu lwa kwa Kalinda ulwa March 15 na Loleni! wa January–March nga kuti yabomba fye bwino umo mushimikila. Inshila shimbi isha kushimikililamo ishingabomba bwino kuti shabomfiwa. Mu cilangililo cimo, langilileni ifya kucita ilyo mwabwelela ku muntu uupokelela bamagazini lyonse. Pa kusondwelela icilangililo, bomfyeni ifili ku numa ya Ulupungu lwa kwa Kalinda ulwa March 15 ukwibukishako umwine ng’anda pa lwa Cibukisho.

20 min: “Ukulanda Sana Ifya mu Baibolo!”a

15 min: “Afweni Bonse Ukwishiba Ukubelenga no Kulemba.” Ilyashi no kulanshanya ne bumba lyonse. Landeni umulandu ukwishiba ukubelenga no kulemba fyabela ifya kwafwa pa kufikilisha umulimo twapeelwa uwa kubila imbila nsuma. (Ulupungu lwa kwa Kalinda ulwa November 1, 1992, amabula 15-16 amaparagrafu 1-4).

Ulwimbo 137 ne pepo lya kusondwelela.

Umulungu wa Kutampa March 21

Ulwimbo 140

10 min: Ukubilisha kwa pa mwenu.

15 min: “Ukutungulula Amasambililo ya Baibolo Ayalunduluka—Ulubali 7.”b Ilyo mulepekanya ili lyashi, moneni Ulupungu lwa kwa Kalinda ulwa July 15, 2002, ibula 27, amaparagrafu 5-6.

20 min: Armagedone Cinshi? Amashiwi ya kwiswila tayafwile ukucila pali miniti umo, lyena lanshanyeni ifipusho ne fyasuko ukushimpwa pa citabo ca Ukupelulula amabula 52-7. Ebeni ibumba ukulanda pa fipusho ifili mu filembo fyafiita, ukubomfya amalembo ayambwilwe na yashambwilwe. Lanshanyeni ifyo twingabomfya ifi fyebo mu mulimo wa mwi bala.

Ulwimbo 109 ne pepo lya kusondwelela.

Umulungu wa Kutampa March 28

Ulwimbo 144

10 min: Ukubilisha kwa pa mwenu. Belengeni lipoti wa ndalama no kutasha imisangulo yapokelelwe. Koselesheni bonse ukulaalika abalesekelela ukusangwa ku lyashi lyaibela pa April 10. Lumbuleni impapulo sha kushalika mu April na May.

15 min: Bomfyeni Bwino 2005 Yearbook. Ilyashi no kulanshanya ne bumba lyonse. Landeni pa fipulilemo muli “Kalata Ukufuma kwi Bumba Litungulula.” Landeni pa fipendo fyaibela ifili muli lipoti wa mwi sonde lyonse, na pa fya kukumanya fimo fimo ifya kukosha icitetekelo. Koselesheni bonse ukubelenga ici citabo conse muli uno mwaka..

20 min: Tambikeni Ulupungu lwa kwa Kalinda na Loleni! Pitulukeni mu mitubululo ya mu Ubutumikishi Bwesu Ubwa Bufumu ubwa February 2005 pe bula 8, pa fyo mwingengilishako ukushalika bamagazini. Lanshanyeni ifishinka ifisuma ifili muli bamagazini ba nomba line. Ukubomfya imitubululo ili pe bula 8, langisheni ifyo mwingashalika Ulupungu lwa kwa Kalinda ulwa April 1 na Loleni! wa January–March nga kuti yabomba fye bwino umo mushimikila. Inshila shimbi ishingabomba kuti shabomfwiwa. Mu filangililo fyonse londololeni uko indalama sha kwafwilisha umulimo wesu uwa mwi sonde lyonse shifuma.—Moneni Ulupungu lwa kwa Kalinda, ibu. 2, nelyo Loleni! ibu. 5.

Ulwimbo 116 ne pepo lya kusondwelela.

Umulungu wa Kutampa April 4

Ulwimbo 119

5 min: Ukubilisha kwa pa mwenu.

15 min: Beni Abatemwana. (Yohane 13:35) Ilyashi ukulandwa na eluda ukushimpwa pa Ulupungu lwa kwa Kalinda ulwa February 1, 2003, amabula 15-18, amaparagrafu 10-21. Nga fintu cilandilwe pa mpapulo sha kushalika mu April na May, tulekoseleshiwa ukutendeka amasambililo ya Baibolo na basambilila kale icitabo ca Ukwishiba na broshuwa wa Cintu Lesa Afwaya. Komaileni pa fyo bakasabankanya bengabombela pamo na baeluda mu kwafwa abanaka.

25 min: “Ibungano lya Citungu ilya Nte sha kwa Yehova Ilya mu 2005 lileti ‘Icumfwila ca Bukapepa.’”c Ukulandwa na kalemba pa cilonganino. Pa numa ya kulanshanya paragrafu 2, belengeni kalata wa CO March 1, 2005, umo babilishe ukulongana kwa citungu. Koselesheni bonse ukutendeka bwangu bwangu amapekanyo yabo aya kusangwa ku kulongana kwa citungu.

Ulwimbo 36 ne pepo lya kusondwelela.

[Amafutunoti]