Umukululo Wa Mepusho

◼ Bushe caliba fye bwino ukufwaila bambi ifyebo fyonse ifikaba mwi Sukulu lya Butumikishi Ilya Bulesa?

Caliba fye bwino ukucite fi nga ca kuti balupwa ne fibusa e bakabomfya ifyo fyebo. Lelo, tatulingile ukusabankanya ku cintubwingi nelyo ukushitisha ifyo fyebo, pantu ukucite fi kupula ifunde lyatila takuli nangu umo uulingile ukukopolola ifyo umbi alemba.—Rom. 13:1.

Amalyashi yamo mwi Sukulu lya Butumikishi Ilya Bulesa, bapeela fye umutwe epela; tabalangilila umukafuma ifyebo. Bushe kuti caba fye bwino ukufwaila abo bapeele aya malyashi impapulo umufumine ifyebo nelyo ukubafwaila fye ne fyebo fine? Iyo. Na kabili te kuti cibe bwino ukufwaila bambi amasuko ku mepusho yaba mu Kupitulukamo mwi Sukulu lya Butumikishi Ilya Bulesa, pantu ukucite fi takwakabafwe ukwibukisha ifishinka fyacindama. Bonse ababa mwi Sukulu bafwile ukuifwaila ifyebo abene. Ulu lubali lwacindama nga nshi ulo Yehova atusambilishishamo mwi sukulu pa kuti tulelanda “ululimi lwa basambilila.”—Esa. 50:4.