Ukutantika Ukulongana Kwa Mulimo

Umulungu wa Kutampa December 11

Ulwimbo 174

10 min: Ukubilisha kwa pa mwenu. Bomfyeni ifyebo fili pe bula 8 nelyo ifyebo fimbi ifingalinga ku mwenu ilyo mulelangilila ifya kupeela umuntu Ulupungu lwa kwa Kalinda ulwa December 15 na Loleni! ya October-December. Mu cilangililo cimo, langilileni ifyo mwingasuka nga bamweba ukuti ‘nshilefwaya.’—Moneni icitabo ca Ukupelulula, ibu. 16.

15 min: Isukulu lya Butumikishi Ilya Bulesa Ilya mu 2007. Ilyashi no kwipusha, uukalanda ni kangalila we sukulu. Lanshanyeni ifishinka ifilingile ukukomailwapo pa mwenu ukufuma mu ca mu kati ica Ubutumikishi Bwesu Ubwa Bufumu ubwa mu October 2006. Londololeni ukuti kangalila we sukulu talandila limo icishinka ca kufunda pa milandile ico umusambi alebombelapo. Pa mulandu wa kuti tukapwisha ukubelenga Amalembo ya ciHebere ukufuma muli Esaya 24 ukushinta kuli Malaki mu mwaka wa 2007, uyu mwaka bamunyina abakalalanda ilyashi lya fishinka fikalamba e lyo na bambi abakalalandapo bakakwata ishuko lya kubomfya bwino impapulo shesu ishilanda sana pali aya mabuuku ya busesemo. Ipusheni bakasabankanya babili nelyo batatu pali aba: umusambi umupya, umusambi umwaice uulelunduluka, no musambi uwakokola. Bepusheni balondolole ifyo isukulu lyalenga baleshimikila bwino ne fyo lyalenga balelunduluka lwa ku mupashi. Cincisheni bonse ukulabika amano ku kufikilisha amalyashi bapeelwe, ukulandapo pa fishinka fikalamba ifya mu Baibolo, no kukonka ukufunda ukulandwa cila mulungu ukufuma mu citabo citila Nonkelenimo mu Masambililo ya Isukulu lya Butumikishi Ilya Bulesa.

20 min: “Mwileka Ukutemwa Uko Mwakwete pa Kutendeka Kupwe.”a Nga kuli inshita, ebeni ibumba ukulanda na pa malembo yashambwilwe.

Ulwimbo 193 ne pepo lya kusondwelela.

Umulungu wa Kutampa December 18

Ulwimbo 150

10 min: Ukubilisha kwa pa mwenu. Salenimo ifyo mwingatemwa ukubilisha mu Ubutumikishi Bwesu Ubwa Bufumu. Landeni na pa Mukululo wa Mepusho. Landeni ifyo mutantike ukubomba umulimo wa kushimikila pa December 25 na pa January 1.

15 min: “Bweleleni Kuli Bonse Abamoneke Ukutila Kwena Kuti Baumfwa.”b Ebeni ibumba ukulanda ifyo bacita pa kupoka nambala ya foni nelyo adresi ku bantu abalefwaya ukusambilila abo bakumanya ilyo balebomba ubunte bwa mu lyashi nelyo ilyo baleshimikila mu musebo. Na kabili kuti bashimika ne fisuma ifyafumine mu kubwelela kuli abo bantu. Kasabankanya umo nelyo babili bena kuti mwabebela limo.

20 min: “Ukuitemenwa Ukubomba Imilimo Mulafuma Ifisuma.”c Ipusheni kasabankanya umo nelyo babili abaishibikwa ukuti balaitemenwa ukubomba imilimo. Balanga shani ukuti balaitemenwa ukubomba imlimo? Bayalwile shani imitantikile yabo, kabili bacitile shani? Bushe bapaalwa shani pa mulandu wa kuipeelesha kwabo?

Ulwimbo 108 ne pepo lya kusondwelela.

Umulungu wa Kutampa December 25

Ulwimbo 210

10 min: Ukubilisha kwa pa mwenu. Belengeni lipoti ya ndalama na kalata iyafumine ku musambo iya kutasha icilonganino pa bupe catumine. Bomfyeni ifyebo fili pe bula 8 nelyo ifyebo fimbi ifingalinga ku mwenu ilyo mulelangilila ifyo mwingapeela umuntu Ulupungu Lwa kwa Kalinda ulwa January 1 na Loleni! ya October-December. Pa mpela ya cilangililo cimo na cimo, ipusheni icipusho icisuma ico mukesayasuka ilyo mukabwelelako ukubomfya icitabo ca ico Baibolo Isambilisha.

15 min: Ukukabila kwa pa mwenu.

20 min: “Bushe Mwalikwata Icifulo Cenu Ica Kushimikilamo?”d Mu kwipifya ipusheni na kangalila wa mulimo alande ifyo bayakanya icifulo ca kushimikilamo pa cilonganino cenu, imiku icifulo cibombelwa, ne fifulo fimbi ifilipo umo bashilapeela bakasabankanya.

Ulwimbo 219 ne pepo lya kusondwelela.

Umulungu wa Kutampa January 1

Ulwimbo 158

8 min: Ukubilisha kwa mwenu. Cinkuleniko bakasabankanya ukuleta amalipoti ya mulimo wa mwi bala aya December. Landeni na pa mukululo uli pe bula 5 uuleti “Ukukanshiwa Bwino Bwino.”

12 min: Ukulemba Lipoti pa Buyantanshi bwa Mulimo. Ilyashi no kulanshanya ne bumba ukufuma mu citabo ca Abaiteyanya Ukucita Ukufwaya kwa kwa Yehova, ukufuma pa kamutwe kanono pe bula 83 ukushinta ku mpela ya cipandwa.

25 min: “Ifyo Mwingabomba Bwino Umulimo wa Bupainiya.”e Kangalila wa mulimo e ukalanda ili lyashi. Inshita nga yasuminisha kuti mwabelenga amaparagrafu. Ilyo mulelanshanya paragrafu 12, ipusheni painiya wa nshita yonse. Mwipusheni ati: Cinshi camwafwile ukukumanisha amaawala ya pa mwaka mu mwaka wa mulimo uwapwile? Mafya nshi mwakwete ilyo mwalebomba uyu mulimo? Bushe icilonganino camwafwile shani? Nga tamukwete painiya wa nshita yonse pitulukeni mu fifwaikwa pa kuti umuntu afikepo ukuba painiya.—od 113.

Ulwimbo 65 ne pepo lya kusondwelela.

[Amafutunoti]