Ukutantika Ukulongana Kwa Mulimo
Icishibisho: Ukulongana kwa Mulimo kukatantikwa mu Ubutumikishi Bwesu Ubwa Bufumu mu milungu fye yonse mu myeshi yonse iya kulongana kwa citungu. Ifilonganino kuti fyayalula ukulongana pa kuti fikasangwe ku Kulongana kwa Citungu ukukalati: “Konkeni Kristu!” Nga mwamona ukuti mulekabila ukubwekeshapo ukufunda ukulelanda pa kulongana kwa citungu ukuli mu ca mu kati ica buno Ubutumikishi nangu ukubwekeshapo ifya kucinkulako, kuti mwabomfya amaminiti 15 mu Kulongana kwa Mulimo ilyo kwashala umulungu umo ukuya ku kulongana kwa citungu. Nga papita umweshi umo nelyo ibili pa numa ya kulongana kwa citungu, kuti mwatantika amaminiti 15 ukufika ku 20 mu Kulongana kwa Mulimo (nakalimo kuti mwabomfya inshita ya kukabila kwa pa mwenu) ukupituluka mu fishinka fya kulongana kwa citungu ifyo bakasabankanya bamwene ukuti kuti fyabafwa mu mulimo wa mwi bala. Uulingile ukutungulula uku kupitulukamo ni kangalila wa mulimo. Ebeni ibumba ukulanda ifyo balebomfya ifyo fyebo nangu ifyo balepanga ukufibomfya mu mulimo wa mwi bala.
Umulungu wa Kutampa July 9
10 min: Ifya kubilisha fya pa mwenu. Citeni icilangililo ukulangilila ifyo mwingalanda pa kushalika abantu Ulupungu lwa kwa Kalinda ulwa July 15 na Loleni! ya July-September, ukubomfya imitubululo ili pe bula 8, nangu kuti mwalanda fye fimbi ifingabomba ku mwenu.
15 min: Finshi Fingalenga Twaba ne Nsansa sha Cine Cine? Ilyashi no kulanshanya ne bumba ukufuma mu Ulupungu lwa kwa Kalinda ulwa May 15, 2006, pa mabula 28 ukufika ku 29, paragrafu 11 na 12. Mu kwipifya ipusheni kasabankanya umo uwabika sana amano ku kubomba umulimo wa kubila ukucila ukufwaya umusamwe nangu ukufwaya ukusambilila sana. Cinshi calengele ukuti atendeke ukubomba imilimo ya kwa Lesa iyo apangile ukucita? Bushe ni nsansa nshi akwata pa mulandu wa uku kubombesha?
20 min: “Ukusabankanya mu Calo Conse Ukulongana kwa Citungu ukuleti, “Konkeni Kristu!””a Ilyo mulelanshanya paragrafu ya butatu, ebeni ibumba ukushimika ifisuma ifyacitike mwi bala ilyo baleshalika utupepala twa kwitilapo abantu ku kulongana kwa citungu uyu mwaka wapwile nelyo balande ifyaba muli 2007 Yearbook, ukutendekela pe bula 7 ukushinta pa kamutwe akanono akali pe bula 10.
Ulwimbo 43 ne pepo lya kusondwelela.
Umulungu wa Kutampa July 16
Ulwimbo 16
10 min: Ifya kubilisha fya pa mwenu. “Twalibombeshe nga nshi mu March.” Ukulanda pali lipoti ya mulimo iya mu March. Tasheni icilonganino pa fyo nabo balengele ukuti kube imilimo isuma iya musango yu. Landeni pali cimo nangu fibili ifyo icilonganino cilingile ukubombelapo mu myeshi ileisa.
20 min: Ukubaka Umutende no Busaka bwa Cilonganino. Ilyashi no kulanshanya ne bumba ukufuma mu citabo ca kuti Abaiteyanya Ukucita Ukufwaya kwa kwa Yehova, ukutampila pe bula 144 ukushinta pa kamutwe kanono pe bula 150.
15 min: “Ukwaluka Ukusuma Ukwa Ulupungu lwa kwa Kalinda!”b
Ulwimbo 189 ne pepo lya kusondwelela.
Umulungu wa Kutampa July 23
Ulwimbo 200
10 min: Ifya kubilisha fya pa mwenu. Belengeni lipoti ya ndalama na kalata ya kutasha ubupe ubo mwatumine ku musambo. Citeni icilangililo ukulangilila ifyo mwingalanda pa kushalika abantu Ulupungu lwa kwa Kalinda ulwa August 1 na Loleni! ya July-September, ukubomfya imitubululo ili pe bula 8, nangu kuti mwalanda fye fimbi ifingabomba bwino uko mwikala.
20 min: “Konkeni Kristu pa Kuba no Mucinshi.”c Kalemba e ukalanda ili lyashi. Landeni uko icilonganino cenu cikalonganina ukulongana kwa citungu. Pitulukeni mu mukululo uleti “Ifya Kutucinkulako pa Kulongana kwa Citungu.”
15 min: Ukupekanya Intendekelo Ishisuma. Ukulanshanya ne bumba ukufuma mu citabo ca Ukupelulula, pe bula 9, amaparagrafu yabili, 1 na 2. Citeni ne filangililo fibili ukulangilila ifya kushalika impapulo sha mu August.
Ulwimbo 61 ne pepo lya kusondwelela.
Umulungu wa Kutampa July 30
Ulwimbo 216
10 min: Ifya kubilisha fya pa mwenu. Ibukisheniko bakasabankanya ukusha amalipoti ya mulimo wa mwi bala aya July.
15 min: “Muleba aba Mushilo mu Fintu Fyonse Ifyo Mucita.”d Bomfyeni amepusho ayo bapekenye. Ebeni ibumba ukulanda ifyo bamona ukuti ukuba ne mibele isuma pa kulongana kwa citungu kulacindika Yehova.
20 min: “Wa Nsansa Umuntu Uushipikisha Ica Kwesha.”e Ilyo mulelanshanya paragrafu 3, ebeni ibumba ukulanda ifyo icitetekelo cakosa cabafwile ilyo kwaponene amesho yabula ukwenekela. Kasabankanya umo nangu babili bena kuti mwabebela limo.
Ulwimbo 13 ne pepo lya kusondwelela.
Umulungu wa Kutampa August 6
Ulwimbo 106
10 min: Ifya kubilisha fya pa mwenu. Salenimo ifya kubilisha mu Ubutumikishi Bwesu Ubwa Bufumu.
15 min: Ukukabila kwa pa mwenu.
20 min: “Umulandu Tuyila ku Bantu Libili Libili.”f Ilyo mulelanshanya paragrafu 5, ebeni ibumba ukulanda icalengele batemwe icine nangu ca kuti kale balekaana nangu tabalefwaya ukusambilila.
Ulwimbo 211 ne pepo lya kusondwelela.
[Amafutunoti]
a Mwifika kuli mineti imo ilyo mulelanda amashiwi ya kubalilapo, kabili tendekeni ukulanshanya kwa fipusho ne fyasuko.
b Mwifika kuli mineti imo ilyo mulelanda amashiwi ya kubalilapo, kabili tendekeni ukulanshanya kwa fipusho ne fyasuko.
c Mwifika kuli mineti imo ilyo mulelanda amashiwi ya kubalilapo, kabili tendekeni ukulanshanya kwa fipusho ne fyasuko.
d Mwifika kuli mineti imo ilyo mulelanda amashiwi ya kubalilapo, kabili tendekeni ukulanshanya kwa fipusho ne fyasuko.
e Mwifika kuli mineti imo ilyo mulelanda amashiwi ya kubalilapo, kabili tendekeni ukulanshanya kwa fipusho ne fyasuko.
f Mwifika kuli mineti imo ilyo mulelanda amashiwi ya kubalilapo, kabili tendekeni ukulanshanya kwa fipusho ne fyasuko.