Ukutantika Ukulongana kwa Mulimo

Umulungu wa Kutampa January 14

Ulwimbo 41

10 min: Ukubilisha kwa pa mwenu. Ukubilisha kwasobolwamo mu Fya Kubilisha ifili mu Ubutumikishi Bwesu Ubwa Bufumu. Bomfyeni ifyebo fili pe bula 8 nelyo ifyebo fimbi ifingalinga mu cifulo mushimikila, langilileni ifyo mwingashalika Ulupungu lwa kwa Kalinda ulwa January 1 na Loleni! ya January–March.

15 min: “Bomfyeni Bwino Inshita Ilyo Muli mu Mulimo wa Mwi Bala.”a Lanshanyeni na munyinefwe uutungulula bwino ukukumana kwa mulimo wa mwi bala kabili uukoselesha no kucincisha abasangilwepo. Acita shani pa kuti apekanye ifyebo ifya kuyalanshanya na baleya mu mulimo wa mwi bala? Na kabili abaafwa shani ukuti babomfye bwino inshita ilyo bali mu mulimo?

20 min: Lekeni ‘Icebo Cenu Conse Cibe . . . Icalungwamo Umucele.’b Ilyo mulelanshanya paragrafu 2, belengeni Yohane 4:7-15, 39.

Ulwimbo 85

Umulungu wa Kutampa January 21

Ulwimbo 215

10 min: Ukubilisha kwa pa mwenu. Landeni impapulo isho mukalashalika mu February, kabili citeni icilangililo. Koselesheni bonse ukutamba vidio ya Transfusion-Alternative Health Care—Meeting Patient Needs and Rights pa kupekanishisha ifyo mukalanshanya mu Kulongana kwa Mulimo mu mulungu wa February 4. Nga ca kutila tamukwete vidio, bakasabankanya kuti bapituluka mu citabo ca Cinshi Ico Baibolo Isambilisha? amabula 128-133, amaparagrafu 10-19.

10 min: Bushe Mulabelenga Akatabo ka Ukubebeta Amalembo Cila Bushiku? Ilyashi no kulanshanya na bali mwi bumba, ili lyashi lifumine mu fyebo fya kubalilapo mu katabo ka Ukubebeta Amalembo Cila Bushiku—2008. Lanshanyeni ifyo cacindamina ukubebeta Ilembo lya Bushiku ne fyebo filanda pe lembo. Lekeni bonse balande inshita bapekanya iya kulanshanya ilembo ne fyo banonkelamo mu kucite fyo. Kuti mwaebela calimo umo nelyo babili ukwisalandapo. Mu kwipifya lumbuleni ilembo lya mwaka uwa 2008.

25 min: “Ukushimikisha Ubunte Imbila Nsuma.”c (Amapara. 1-10) Kangalila wa mulimo e ulingile ukulanda ili lyashi. Ipusheni kasabankanya umo nelyo babili ababombeleko bupainiya bwa kwafwilisha umwaka wapwile balande ifyo babombele nangu ca kuti bali abalwalilila kabili abakalamba nelyo bali abapamfiwa ne milimo imbi. Bushe bacitile shani pa kuti babombe bwino umulimo? Ilyo balebomba bupaniya fisuma nshi fimo ifyo basangile? Nomba, ilyo mulelanshanya paragrafu 7, landeni ifyo mutantike ukubomba umulimo wa mwi bala mu March, mu April, na mu May.

Ulwimbo 177

Umulungu wa Kutampa January 28

Ulwimbo 52

10 min: Ukubilisha kwa pa Mwenu. Cinkuleniko bakasabankanya ukusha amalipoti ya mulimo wa mwi bala aya January. Belengeni lipoti ya ndalama na kalata ya kutasha iyafumine ku musambo, iilelanda pa musangulo mwatumine. Ukulanshanya ne bumba mu Ulupungu lwa kwa Kalinda ulwa February 1 na Loleni! ya January–March. Ilyo mwapwisha ukulondolola pa fili mu Ulupungu lwa kwa Kalinda na Loleni! ipusheni bakasabankanya balande ifipande ifingabomba bwino mu cifulo cabo ica kubombelamo no mulandu fiwamine. Lekeni bakasabankanya balumbulepo ifishinka fimo ifili mu fipande balefwaya ukubomfya. Cipusho nshi bengatemwa ukwipusha pa kutendeka ukulanshanya no muntu? Lilembo nshi kanshi, ilili mu cipande ilyo bengabelenga? Kuti balondolola shani ilembo pa kuti lyumfwane ne fili mu cipande? Bomfyeni ifyebo ifilanda pa fyo twingashalika bamagazini ifili pe bula 8, langilileni ifyo mwingashalika aba bamagazini.

20 min: “Ukushimikisha Ubunte Imbila Nsuma.”d (Amapara. 11-17) Ilyo mulelanshanya paragrafu 14, peeleni bonse akapepala kaibela aka kwitilapo abantu ku Cibukisho kabili londololeni ifyo mukabomba mu cifulo cenu.

15 min: “Afweni Abasambi ba Baibolo Ukutendeka Ukushimikila Imbila Nsuma iya Bufumu.”e Nga kwashala inshita, lekeni ibumba lyonse lilandepo pa malembo ayashambwilwe.

Ulwimbo 22

Umulungu wa Kutampa February 4

Ulwimbo 161

10 min: Ukubilisha kwa pa mwenu. Pitulukeni mu Mukululo wa Mepusho.

10 min: Ukukabila kwa pa mwenu.

25 min: “Bushe na Nomba Tamulalemba Kardi Wenu?” Eluda e ulingile ukulanda ili lyashi. Tendekeni ukulanshanya ne bumba lyonse ifyaba muli vidio ya Transfusion-Alternative Health Care—Meeting Patient Needs and Rights. Bomfyeni ifipusho fili mu cipande. Mu kusondwelela, belengeni paragrafu ya kulekelesha no kukoselesha bonse bakapitulukemo bwino bwino mu malyashi ayalanda pa mulopa ayaba mu Ulupungu lwa kwa Kalinda na mu Ubutumikishi Bwesu Ubwa Bufumu. Londolweleni abashilati balembe kardi ifyo bengabomfya ifyebo fyaba muli Formu ya Kubalilapo na Formu ya Bubili. Aya maformu yaba mu ca mu kati ica Ubutumikishi Bwesu Ubwa Bufumu ubwa November 2006. Muli aya maformu mwaba ifyebo ifingabafwa nampo nga kuti basumina tumo tumo utufuma ku fikalamba ifyaba mu mulopa e lyo ne fyo bengafwaya ukubondapa, lyene balembe ifyo basalapo pali kardi ya DPA. Abalemba kale kardi ya DPA kuti batontonkanyapo pa myundapile basalile, nga balefwaya kuti balemba kardi imbi. Nga tamukwete vidio, basabankanya kuti bapituluka mu citabo ca Bushe Cinshi Baibolo Isambilisha? pa mabula 128-133, amaparagrafu 10-19.

Ulwimbo 4

[Amafutunoti]