DVD ya The Bible—A Book of Fact and Prophecy

Muli DVD ya kuti The Bible—A Book of Fact and Prophecy, mwaba amafilimu yatatu, iya kubalilapo itila Mankind’s Oldest Modern Book. Pa numa ya kutamba iyi vidio, asukeni ifi fipusho:

(1) Bushe ifyaba mu Baibolo fyumfwana shani ne fyo basambilisha muli sayansi lelo? (2) Bushe kuti twashininkisha shani ukuti ifyaba mu maBaibolo tubomfya nomba e filya fine ifyali mu Baibolo pa kubala? (3) Cintu nshi cimo icaibela pa milembele ya maBaibolo ya kale? (4) Bushe John Wycliffe, Johannes Gutenberg, William Tyndale, John Hus, Martin Luther, Casiodoro de Reina, na Charles Taze Russell ba-afwilisheko shani mu mulimo wa kusabankanya Icebo ca kwa Lesa mu calo conse, kabili finshi amacalici yacitile pa kukaanya Baibolo? (5) Bushe ukufunda kusuma ukwaba mu Baibolo kwa-afwa shani abantu ukushipikisha ilyo balelwala (Amalu. 34:8), ukuleka ukuteya ifyangalo fya kushitikapo indalama (1 Tim. 6:9, 10), ukukanapaatukana no kuba ne cishinka mu cupo (1 Kor. 13:4, 5; Efes. 5:28-33), no kuleka ukubika sana amano ku kunonka ifyuma (Mat. 16:26)? (6) Bushininkisho nshi twakwata ubwa kuti ukukonka ukufunda kwa mu Baibolo kuti kwa-afwa umuntu ukuleka ukupata aba ku fyalo fimbi nangu aba mitundu imbi. (Luka 10:27)? (7) Bushe ukukonka ifyaba mu Baibolo kwamwafwa shani ukuba ne nsansa sana? (8) Bushe kuti mwabomfya shani iyi vidio ukwafwa bambi?