Ifya Kulanda pa Kushalika Magazini

Ulupungu lwa kwa Kalinda December 1

“Bushe kuti mwasumina ukuti abafyashi abashakwata abena mwabo balaculapo ukucila abaupana? [Lekeni basuke.] Baibolo itukoselesha ukulalangulukilako abakwata amafya mu mikalile. [Belengeni Amalumbo 41:1.] Icipande icitendekele pe bula 22 cilelondolola ifyo twingalalangulukilako abafyashi abashakwata abena mwabo.”

Loleni October–December

“Shino nshiku imikalile nayafya sana, kabili kuli inshila ishingi nga nshi isha kusungilamo indalama. Bushe mulemona ukuti ukukonka ifyo Baibolo ilanda kuti kwatwafwa ukulaikala bwino nangu ca kuti tukwete fye utuntu utunono? [Lekeni basuke.] Moneni ifyo ili ilembo lya mu Baibolo likomaila sana pa kupangila calimo ifya kucita. [Belengeni Luka 14:28, 29.] Iyi magazini ilelanda pa fyo twingalaikala bwino ukulingana ne ndalama tukwete nga ca kuti tulebala ‘twapenda ishingapooswapo.’”

Ulupungu lwa kwa Kalinda January 1

“Abantu abengi basumina ukuti kale takwali ibala lya Edeni lelo lyaba lushimi fye. Bushe kuti mwapapa nga mwasanga ukuti Yesu alilandilepo pali Adamu na Efa ukutila bali bantu ba cine cine? [Lekeni basuke. Lyena belengeni Mateo 19:4-6.] Iyi magazini ileasuka amepusho yamo yamo ayo abantu batemwa ukwipusha pe bala lya Edeni.”

Loleni October–December

“Abacaice abengi balafilwa ukumfwana na bana banabo pa ng’anda. Balalwa no kukansanina apashilingile. Bushe mumona ukuti cinshi cilenga? [Lekeni basuke.] Moneni ico Baibolo yalandapo ukuti e cingalenga ifintu ukukanabipilako. [Belengeni Amapinda 19:11.] Iyi magazini ilelanda pa fyo mwingeshiba ifilenga abana ukukanaumfwana ne fya kupwisha ubu bwafya.”