“Bushe Mfwile Ukupenda Shani Inshita?”

Bushe mwalitala amuipushapo ici cipusho? Ifya kukonka pali ici cipusho fisangwa mu citabo ca Abaiteyanya amabula 86-87. Ifyebo fyalundwako limo limo filasangwa, nga filya fyali mu Umukululo wa Mepusho mu Ubutumikishi Bwesu Ubwa Bufumu ubwa September 2008. Apo ifintu filapusanapusana, tabatupeela amafunde ya kukonka ayengi pali ili lyashi. Kanshi te kuti ciwame ukuti baeluda nelyo abantu bambi bapangilepo amafunde na yambi.

Nga kwaba icipusho ukukuma kuli ili lyashi kabili twasanga ukuti tapaba icasuko icili conse icalembwa mu mpapulo, ninshi cila kasabankanya alingile ukuipusha umwine ati: Bushe iyi nshita naciibomfya ku kushimikila? Nelyo bushe naciibomfya mu kucita ifintu fimbi ifishikumine umulimo wa kushimikila? Lipoti tulemba cila mweshi ilingile ukutupeela insansa, taifwile ukulalenga kampingu yesu ukulacula. (Imil. 23:1) Ca cine, ico tubikako sana amano te kupenda inshita iyo, lelo tubika amano ku fyo tulebomfya inshita ukupitila mu kubombesha umulimo wa kushimikila.—Heb. 6:11.