Ifyo Mwingalanda

Pa Kushalika Imbila ya Bufumu Na. 38

“Tulepeela abantu trakiti iikwete ubukombe ubwacindama nga nshi. Iyi trakiti ilepeelwa ku bantu mu calo fye conse. Na imwe lekeni imupeeleko.”

Icishibisho: Pa kuti mupeele abantu abengi mu cifulo mushimikilamo, tamulingile ukufusha ifya kulanda. Na lyo line, nga mwasanga umuntu uulefwaisha ukulanshanya nankwe, kuti mwamwipusha ifyo aletontonkanya pa cipusho cili pe bula lya kubalilapo, no kumubelengela ilembo lili mu kati ilileasuka ici cipusho, kabili nga kuli inshita kuti mwalanshanyako na fimo fimo ifili muli iyi trakiti. Lyena ilyo mushilaya, balangeni icipusho cili ku numa ya trakiti icili palya balembele ati “Ifyo Mufwile Ukulatontonkanyapo” kabili panganeni ilyo mukabwelelako no kuyalanshanyapo.

Ulupungu lwa kwa Kalinda November 1

“Bushe batini kuti mwatila bufi nshi ubukalamba ubo abantu babepesha Lesa? [Lekeni basuke.] Baibolo itila Lesa afwaya abantu ukumutemwa no kumutetekela. [Belengeni Esaya 41:13.] Iyi magazini ilelanda pa fintu fitatu ifya bufi ifyo abantu abengi balanda pali Lesa ifyalenga bamo ukufilwa ukupalama kuli ena.”

Loleni! September-October

“Fwe bengi tulafwaisha ukwikala imyaka iingi. Bushe mumona ukuti kasuba kamo ukulunduluka kwa sayansi kukalenga abantu ukulaikala umuyayaya? [Lekeni basuke.] Umfweni ubulayo ubusuma ubwaba pali ili ilembo. [Belengeni 1 Abena Korinti 15:26.] Bushe Lesa akalenga shani ubu bulayo ukucitika? Bushe akabomfya sayansi nelyo akabomfya inshila shimbi? E lyo mulandu nshi pali ino nshita tukotela no kufwa? Iyi magazini ilelondolola ifyo Baibolo yasuka aya mepusho.”