ICIPANDE 2

“Wakoweseshe Icifulo Candi ica Mushilo”—Wakoweseshe Icifulo Candi ica Mushilo

IFYO TULI NO KULANDAPO SANA: Yuda na Yerusalemu bakowela lwa ku mupashi kabili baba ne mibele iyabipa

Yehova alitemenwe abena Israele kabili alebasakamana, alebamona ukuti bali ‘bantu bakwe abaibela.’ (Ukufu. 19:5) Lelo bena batendeke ukupepela balesa ba bufi mwi tempele ilyaishibikwe ukuti litempele lya kwa Yehova! Balikalifye Yehova umutima kabili baliseebenye ishina lyakwe. Cinshi calengele abena Israele balecita ifyabipa umusango uyu? Finshi twingasambilila ku busesemo bwa kwa Esekiele ubulanda pa konaulwa kwa Yerusalemu? Kabili finshi twingasambilila ku fyo abena Israele baleumfwana ne nko ishali mupepi?