AKABOKOSHI KA KUTWAFWA UKUSAMBILILA 20A

Ukwakanya Impanga

Filya Yehova alondolwele bwino bwino umo imipaka yapitile, fyalengele bankole bacetekele ukuti nangu cibe shani bali no kubwelelamo ku calo cabo ico batemenwe. Finshi muno nshiku twingasambililako kuli ici icimonwa? Moneni ifintu fibili ifyali mu cimonwa:

Mapu iilelanga imipaka ya mpanga iyo ba-akenye bankole ababwelele, ukulingana ne fyo Esekiele alembele. Impanga isho ba-akenye imikowa shali ishaololoka ukufuma ku kapinda ka ku kuso ukuyafika ku kapinda ka ku kulyo, ukutendekela no mukowa wa kwa Dani, Asheri, Nafutali, Manase, Efraimu, Rubene, Yuda, Impanga bapeele (impanga ya butungulushi), Benjamini, Simeone, Isakari, Zebuluni, na Gadi.

Incende no mulimo uwacindama

Umuntu onse pali bankole abali no kubwelelamo ku Calo ca Bulayo bali no kumupeela impanga ya bupyani. Na muno nshiku ababomfi bonse aba kwa Yehova balikwata incende muli paradaise ya ku mupashi. Nangu ca kuti umulimo tubomba mu cilonganino ca kwa Lesa unono, twalikwata incende no mulimo uwacindama mu calo ca ku mupashi. Yehova amona ababomfi bakwe bonse ukuti balicindama.

Impanga ishalingana

Mu cimonwa, Esekiele amwene abaleikala muli cila mpanga iyali mu Calo ca Bulayo balesombola ifisabo fimo fine ifyo icalo calemesha. Na muno nshiku Yehova alilenga ababomfi bakwe bonse balapokelela amapaalo yamo yene muli paradaise ya ku mupashi.

Bweleleni ku cipandwa 20, amaparagrafu 5-11