Ukwangusha

Ifyo Yesu Acitile

VIDIO: Yesu Alangilila Ifyo Shifwe Atusakamana

1. Tambeni VIDIO, nelyo belengeni Mateo 6:​25-27. Lyena lanshanyeni amepusho yakonkapo:

1. Bushe Yesu alangilile shani ukuti Yehova alatusakamana?

2. Nangu ca kuti Yesu alishibe ifintu ifingi pa fyuni, finshi alandilepo ilyo alesambilisha? Cinshi twingalandila ukuti alicitile bwino sana?

Finshi Tulesambilila Kuli Yesu?

2. Nga tuleangusha pa kusambilisha, abantu bakulaibukisha ifyo tulebasambilisha kabili fyakulabafika pa mutima.

Mulepashanya Yesu

3. Mwilalandapo sana. Ukucila ukulanda pali fyonse ifyo mwaishiba pa lyashi mulelandapo, kuti cawama nga mulebika sana amano ku fyebo mukwete mu lupapulo mulebomfya pa kusambilisha. Nga mwaipusha icipusho, muletekanya no kulolela umusambi ayasuka. Nga ca kuti teshibe icasuko nelyo nga alanda fimo ifyapusana ne fyo Baibo isambilisha, kuti mwamwipusha ifipusho na fimbi ifingalenga atontonkanya pa fyo mulesambilila no kuisangila icasuko umwine. Nga mwamona fye ukuti umusambi naumfwa icishinka icikalamba ninshi mulingile ukuselela pa cishinka cimbi.

4. Mulebomfya ifyo umusambi aishiba kale pa kumusambilisha ifipya. Ku ca kumwenako, ilyo mushilatendeka isambililo ililanda pa kubuuka, kuti mwaibukishako umusambi wenu fimo ifyo asambilila pa fyaba abafwa.

5. Mulebomfya bwino ifilangililo. Ilyo mushilabomfya icilangililo muleipusha amuti:

1. ‘Bushe ici cilangililo nacanguka?’

2. ‘Bushe umusambi wandi alaumfwa umo cilolele?’

3. ‘Bushe calalenga umusambi wandi aleibukisha icishinka cikalamba nelyo akulaibukisha fye icilangililo?’