Umukululo wa Cipusho

◼ Ni lilali Amasambililo ya Citabo pa Cilonganino yalingile ukutungululwa?

Ilingi line cilabomba kabili calilinga ukukwata amabumba yafulilako aye sambililo lya citabo ukulakumana mu fifulo fyasalangana ukupulinkana icifulo ca kubombelamo ica cilonganino ukucila ukukwata uuli onse ukukumana pa Ŋanda ya Bufumu. Aya masambililo yalingile ukutungululwa pa nshita iyalingisha nga nshi ku cinabwingi abasangwako. Ilingi line, ici ciba pa cungulo bushiku mu kati ka mulungu lintu takuli ukulongana ukuli konse kumbi nelyo imibombele ya mu mulimo iyatantikwa. Nangu cibe fyo, kuti cacilapo kuwama ukutantika isambililo lya citabo limo mu kasuba ukusuminisha abakoloci ababa abashimunuka ukufumina pa nse lintu bwaila na babomba ubushiku. Mu milandu iinono, kuti pambi cabomba ukukwata isambililo lya citabo ilya mu nshita ya kasuba pa mpela ya mulungu.

Baeluda kuti baipusha pa kupimununa inshita sha kulongana isho ‘shikawamina icinabwingi ca bakasabankanya’ capamo na balesekelela. (om-CW ibu. 62) Inshita isalilwe ilingile ukuba pa bushiku kabili pa nshita iyo ishakapumfyanye nelyo ukupelesha imitantikile yapekanishiwa iya mulimo wa mwi bala.