Bwelela Konse Uko Washalike Amabroshuwa
1 Umutumwa Paulo atashishe abena Filipi pa mulandu wa kuti ‘bafukulwile ukwangwa kwabo kuli wene.’ (Fil. 4:10) Nga twabomfya ica kumwenapo cabo nge cipasho ca butumikishi bwa mwi bala, ‘tukafukulula ukwangwa kwesu’ kuli abo tucitilako ubunte no kukuntwa ukucite fipempu fya kubwelelamo.
2 Nga ca kuti washalike broshuwa “Kamfulumende Iikaleta Paradise,” kuti wasose capala ici:
◼ “Naletontonkanya pa lwa kulanshanya twakwete kalya kasuba, kabili naibukishe amalembo yabili yantu ningatemwa ukwakana na imwe. Napamo muleibukisha ukuti twalandile pa lwa kwa Lesa ukupoka ukuteka kwe sonde. Muli Baibolo, Yehova Lesa alilaya ukuti ici cili no kucitika. [Belenga Daniele 2:44.] Bushe mwalisumina ukuti ico mu cituntulu kuti cacitika? [Leka asuke.] Kutikeni cintu Lesa asosa pa lwa maka yakwe aya kufikilisha amalayo yakwe. [Belenga Esaya 55:11.] Bushe ico tacilingile ukutukoselesha ukucetekela mu Bufumu bwa kwa Lesa? Lelo ni lilali lintu Lesa akafikilisha ubulayo bwakwe?” Londololo kuti ukasuka ico cipusho pa kutandala kobe ukukakonkapo.
3 Napamo kuti wabomfya iyi nshila lintu ulebwelelamo ku muntu uwapokeleko broshuwa wa kuti “Ilyo Untu Watemwa Afwa”:
◼ “Naciipamfya ukuti ningabwela, pa mulandu wa fyo twalanshenye pa lwa kulufya umuntu mu mfwa.” Langisha icikope pe bula 30 ilyo ulesoso kuti: “Mwaibukisha ici cikope ica bantu abalebushiwa no kulundana cipya cipya na batemwikwa babo? Namushile ne cipusho pa lwa kuntu ici cili no kucitikila, nga ni ku muulu atemwa ni pe sonde. Nakalimo mwalisangile icasuko ca Baibolo pe bula 26 ilya uyu broshuwa.” Lanshanyeni ifishinka fikalamba mu maparagrafu ukutula pa ya butatu ukufika ku yalenga busano, kabili belenga Yohane 5:21, 28, 29. Nge nshita yasuminisha, belenga amalembo ayali yonse ayasheleko pe bula line ilyo.
4 Bushe walitendeke isambililo muli “Moneni! Ifintu Fyonse Nafilenge Fipya”? Pa cipempu ca kubwelelamo, kuti wacite fi:
◼ Losha na kabili kwi bula 30, no kusonta ku cipusho ca kuti: “Ni mu nshila nshi Baibolo yapulilamo?” Kupukula pa mabula 3 na 4, kabili pituluka mu maparagrafu 1 ukufika ku 4 pamo ne cikope ca pa nkupo ya broshuwa. Belengapo ilembo limo nangu yabili ayaloshiweko mu tulembo twa mwi samba pa paragrafu 4. Londolola ukuti Baibolo e buuku fye lyeka ilitambika isubilo lya musango yo ilya kusungusha. Tantika icipempu ca kubwelelamo icikakonkapo. Pa numa ya kutandala kwa citatu, nga camoneke fyo isambililo likatwalilila, kuti watendeka ukucita lipoti isambililo ilipya!
5 Kuti wakonkeshapo ukulanshanya muli broshuwa “Ishina lya Bulesa Ilikatwalilila Kuli Pe na Pe” muli yi nshila:
◼ “Inshita yafumako, nalimulangile ishina lya kwa Lesa muli Baibolo. Ukwishiba no kubomfya ishina Yehova lwaba lubali lwakatama ulwa kupepa kwesu.” Kupukula pe bula 31, pitulukeni mu fishinka fikalamba mu maparagrafu ya kulekelesha yane, kabili belenga Yohane 17:3 na Mika 4:5. Londolola ukuti tulatantika isambililo lya Baibolo ilingalanga ifyo ishina lya kwa Lesa likashishiwa mu nshila yalinga na fintu twingaipakisha amapaalo ya mwi sonde lya paradise.
6 E co, fukulula ukwangwa kobe kuli abo bantu wakumenye. Ba uwa mukoosha mu kubwelelako, kabili pekanyako icintu cimo ica kunonsha ica kwakana na bo. Kuti waba ni umo “uutwala ifisabo” mu kupanga abasambi abapya.—Mat. 13:23, NW.