Afwa Bambi Ukutesekesha Ubucindami bwa Baibolo
1 Yesu alipayenye cintu abasambi bakwe balekabila. Luka 24:45 ashimika ati: “Akupulwile imitima yabo ukuti beluke amalembo.” Alishibe ukuti nga ca kuti baalefwaya ukusuminishiwa kuli Wishi, cali icakatama kuli bene ukusambilila no kumfwikisha Icebo ca kwa Lesa, Baibolo. (Ilu. 1:1, 2) Umulimo wesu uwa kushimikila waba ne mifwaile imo ine. Ubuyo bwesu bwaba kutendeka amasambililo ya Baibolo, umo twingaba na maka ya ‘kusambilisha abantu ukubaka fyonse ifyo Yesu akambishe.’ (Mat. 28:20) Pa kuba ne ci mu muntontonkanya, iitantikwe pano ni imo iya mitubululo iingabe ya kwaafwa lintu ulecite fipempu fya kubwelelamo.
2 Nga ca kuti pa kutendeka fye mwalandile pa citabo ca “Baibolo—Cebo ca kwa Lesa Nelyo ca Muntu?” pa kutwalilila ukulanshanya kuti pambi watila:
◼ “Kuti natemwa ukumulangako icintu cimbi icilangilila ubucindami bubomba ubwa kufunda kwa mu Baibolo. Abantu abengi balacisange cayafya ukulaumfwana na bambi. Cinshi cintu twingacita pa kulundulula ukwampana kwawaminako na abo abatushinguluka? [Pa numa ya kwasuka, kupukula pa mabula 167-8, paragrafu 15, kabili belenga Mateo 7:12. Sanshako amatontonkanyo ayalumbululwa mu paragrafu 16.] Ici cili ca kumwenako na cimbi ica mano ayasangwa mu kufunda kwa Baibolo. Inshita imbi ilyo nkesa, kuti natemwa ukwisamulanga ukupanda amano uko Baibolo itambika ku kwaafwa abaupana ukusanga insansa shakulilako mu kwampana kwabo.” Tantika ukuti ukabweleleko ku kulanshanya pa mabula 170-2, apalanga cintu Baibolo itasha ku bumi bwa lupwa ubwa nsansa.
3 Nga ca kuti walandile kuli umo uwalangishe ubuseko muli Baibolo, lyene nakalimo inshila iili pano kuti pambi yaba iya kufumamo cimo ku kutendeka isambililo:
◼ “Ni cikanga fye no uli onse wingalandako akwebe fyo kuti atemwa ukukwata icalo ca mutende kabili icacingililwa ukwikalamo. Nga ca kuti ico e co uuli onse afwaya, mulandu nshi twakwatile calo icaisulamo icimfundawila cakule fi no lukaakala? [Leka asuke.] New World Translation kuti yamulangilila muli Baibolo uko mwingasanga icasuko kuli ico cipusho.” Kupukula pe bula 1659, no kusonta pali “Bible Topics for Discussion (Ifyebo fya Baibolo Ifya Kulanshanyapo)” Na. 43a, “Who is responsible for world distress (Nani Uwalenga Ukushikitika kwa mu Calo)?” Belenga 2 Abena Korinti 4:4. Londolola fintu Lesa akonaula Kaseebanya na fintu akaleta icalo ca mutende ubelelela ne nsansa. Belenga Ukusokolola 21:3, 4. Lyene kuti watila: “Umuku ukakonkapo ilyo nkesa, kuti natemwa ukumulanga amalembo yamo ayalondolola umulandu mwingenekela icalo icabulamo ukushikitika.”
4 Nga ca kuti wabomfeshe inshila ya kulungatika pa kutendeka isambililo kabili kwaliko ukwankulako kusuma, nakalimo ifi e fyo wingasosa lintu wabwelelako:
◼ “Ilyo twalanshenye umuku wafumako, twalandile pa milandu imo intu cabela ica kunonsha ukusambilila Baibolo. Ukubombesha kwafumaluka ukwa kukosha ukucite co kuti kwatwaafwa ukutesekesha cintu Lesa atukwatila. [Belenga Yohane 17:3.] Twalilundulula programu wa kusambilila Baibolo uyo wayafwilisha amakana ya bantu ukusambilila ifyafulilako pa lwa cintu Lesa alaya na fintu twingamutemuna.” Langisha icitabo ca Ukwishiba, pituluka mu mitwe ya fipandwa, no kulangilila fintu tutungulula isambililo lya Baibolo.
5 Nga wingafwaako abantu ba bufumacumi ukutesekesha ubucindami bwakulisha ubwa Cebo ca kwa Lesa, ninshi ukabaafwa mu nshila yawamisha iingabako. Amano ayo bengasambilila ukupitila mu kusambilila ifyaba mu mabula ya ciko kuti yaba “muti wa mweo,” uukabaletela insansa ishingi.—Amapi. 3:18.