Shimikisheni mu Cifulo Cenu ica Kubombelamo
1 Mu fifulo fya kubombelamo umwafula amayanda mu tushita mu tushita tulafika pa cifulo ca bukwebo icinono, pamo nga ishitolo, umo bashitisha ifya kulya, nelyo ituuka. Nga ca kuti ifi fifulo fingabombwamo fyonse capamo ne ci cifulo conse, mulingile ukutandalilamo kwati fye ni fintu mutandalila amayanda.
2 Kuti mwabomfya imipeelele yayanguka, iipi, nakalimo ukusosa ukuti: “Ninkwata icintu cimo ico ningatemwa ukumulangako.” Nga ca kuti umwine we tuuka amoneka ukuba uwapamfiwa pali ako kashita, kuti mwatambika fye trakiti no kusosa ukuti: “Ndi no kupitilako na kabili ilyo mushipamfiwe. Kuti natemwa ukwishiba ifyo muletontonkanya pa lwa ici.”
3 Takwaba umulandu wa kutiinina ukushimikila kuli bashimatuuka. Kasabankanya umo ashimike ukuti: “Naenekele ukuti abantu balakaana. Nangu cibe fyo, nalipapushiwe, balisumine ubukombe bwa Bufumu. Bali aba cikuuku mu cine cine kabili aba bucibusa kabili mupepi na lyonse balipokelele bamagazini.”
4 Umwanakashi uubomba pa kampani ka mayanda ya kushitisha alaalike Inte mwi ofesi lyakwe. Alipokelele bamagazini kabili alumbulwile ukuti alefwaya sana isambililo lya Baibolo. Alilangilwe icitabo ca Ukwishiba, kabili isambililo lyalitendeke apo pene, mwi ofesi lyakwe mwine!
5 Umulimo wa kushimikisha mu cifulo cenu ica kubombelamo usanshamo ukutandalila abantu ababombela mu fifulo fya bukwebo ifyapalaminako. (Imil. 10:42) Pekanyeni ukutandalila ifi fifulo kwati fye ni fintu ciba mu mayanda ya bantu. Ici cikamulenga ukupwishishisha ukubomba mu cifulo cenu bwino bwino kabili napamo mukalambulwa ne fya kukumanya fya buseko!