Imbila Nsuma Pali Internet

Mu nshita yesu iya fya kupangapanga, abantu bamo balapokelela ifyebo ukufuma ku fibombelo fya malaiti, ifisanshamo na Internet. E co Sosaite naibika pali Internet ifyebo fimo ifyalungikwa pa lwa fisumino ne mibombele ya Nte sha kwa Yehova.

Internet Web site wesu akwete adresi wa http://www.watchtower.org kabili muli amatrakiti yapusanapusana, amabroshuwa, ne fipande fya mu Ulupungu lwa kwa Kalinda na Loleni! mu ciNgeleshi, iciChinese (Icayangushiwa), iciGerman, iciRussian, ne ciSpanish, ne ndimi shimbi. Impapulo shili muli uyu Web site kale kale e ko shaba mu filonganino kabili shilabomfiwa mu butumikishi. Imifwaile ya Web site wesu te ya kufumya impapulo shipya iyo, lelo ukupayanishisha icintubwingi impapulo mu fibombelo fya malaiti. Takuli muntu uuli onse uufwile ukupekanya ifyebo fya muli Internet pa lwa Nte sha kwa Yehova, imibombele yesu, nelyo ifisumino. Web site wesu uwa mu bulashi alelondolola ifyebo fyalungikwa ku bali bonse abalefifwaya.

Nangu cingati web site wesu tapayanya umwa kutumina ubukombe (E-mail), atantika amaadresi ya kuposhitilamo aya maofesi ya Sosaite aya mwi sonde lyonse. Muli fyo abantu kuti balembelako no kulomba ifyebo fyafulilako nelyo ukwafwiwa pa lwabo ukufuma ku Nte sha mu cifulo bekala. Mube abantungwa ukwebako abali bonse adresi wa Internet uuli pa muulu, abo bengafwaya ukutendeka ukusambilila icine ca mu Baibolo pali Internet.