Abena Mupalamano Balekabila Ukumfwe Mbila Nsuma
1 Lesa afwaya “abantu bonse ukupusuka no kufika ku kwishibe Cine.” (1 Tim. 2:4) “Abantu bonse” basanshamo na bena mupalamano bonse. Ukubashimikila imbila nsuma kukabila ukuteuluka ilyo tulelanshanya na bo no kwangwa ku fyo umuntu umo na umo uo twakumanya engatemwa. (1 Kor. 9:19-23) Ukuteyanya kwa kwa Yehova kwalipayanya ifisolobelo fingatwaafwa ukufika pa mitima ya abo “[mu bulungami bakongamina, NW] ku kuya mu mweo wa muyayaya.” (Imil. 13:48) Natumone fintu twingabomfya babroshuwa balekanalekana mu July na mu August ku kusakamana ukukabila kwa ku mupashi ukwa bena mupalamano.
2 Babroshuwa Tutambika: Pe samba pali imitubululo ingamwaafwa lintu muletambika babroshuwa bamo bamo. Imitubululo imo na imo isanshishemo (1) icipusho cilenga umo ukutontonkanya pa kutendeka ukulanshanya, (2) uko mwingalosha ku kusanga ifishinka fya kulandapo muli broshuwa, ne (3) lembo lyalinga ilingabelengwa ilyo mulelanshanya. Kuti mwatwalilila ukulanda mu mashiwi yenu ukulingana ne fyo umuntu aankulako. Kuli babroshuwa abengi, Ubutumikishi Bwesu Ubwa Bufumu ubwafumineko na buloshiwako umo mwingasanga ubulondoloshi bwafulilako pa lwa fya kushalika uyo broshuwa.
Bushe Lesa mu Cituntulu Alatusakamana?
Lisubilo nshi mutontonkanya ilyabako ku kwaafwa abacushiwa?—Amabula 27-8, amaparagrafu 23-7; Esa. 65:17, 18; km-CW 7/97 ibula 8.
Cinshi Caba Imifwaile ya Bumi?—Ni Shani Fintu Wingaisanga?
Mulandu nshi abantu abengi ilelo bamonekela nga bashikushiwa mu bumi bwabo?—Amabula 29-30, amaparagrafu 2, 25-6; Ilu. 145:16; km-CW 7/96 ibula 8.
Ipakishe Ubumi pe Sonde kuli Pe na Pe!
Bushe mwalibala tontonkanyapo pa fyo Yesu Kristu alecita nomba?—Ifikope 41-2; Ukus. 11:15; km-CW 8/96 ibula 8.
Kamfulumende Iikaleta Paradise.
Bushe kuti mwatemwa ukwishiba pa lwa Bufumu ubo Yesu atusambilishe ukupepela?—Ibula 3; Mat. 6:9, 10; km-CW 8/96 ibula 8.
Ilyo Untu Watemwa Afwa.
Bushe mwalitala tontonkanyapo pa fya kusansamusha uulufishe umutemwikwa?—Ibula 26, amaparagrafu 2-5; Yoh. 5:28, 29; km-CW 7/97 ibula 8.
Bushe Ulingile Ukusumina Muli Bulesa Butatu?
Bushe ukumfwikisha ifyo Lesa aba kwalicindama ku nshita yesu iya ku ntanshi?—Ibula 3; amaparagrafu 3, 7-8; Yoh. 17:3.
3 Babroshuwa Bambi: Ica mu kati ca Ubutumikishi Bwesu Ubwa Bufumu ubwa February 1998 catantawila impapulo shimbi, ukusanshako na babroshuwa, abalembelwe maka maka ku kubomfiwa ilyo tuleshimikila abaBuddha, abaHindu, abaYuda na baShilamu. Uko calinga aba babroshuwa kuti batambikwa ku bantu twakumanya. Kuti mwapituluka mu mitubululo ili pa mabula 4-6 iya cilya ca mu kati pamo na mabula 21-4 mu citabo ca Ukupelulula kabili fwayeni inshila iipi iya kulanshanishishamo iingalenga abantu ukufwaya ukwishibe cine.
4 Broshuwa na umbi alilembwa ku kwaafwa abantu basoma lelo abaishiba ifinono pa lwa Baibolo. Alembelwe ku kubalenga ukufwaya ukwishiba ifyaba mu Cebo ca kwa Lesa. Uko calinga, kuti mwasalapo ukushalika abakonkelepo:
A Book for All People.
Bushe mulesuminisha ukuti ukukwata amasomo yatantalilako kusanshamo ukukwatako ubwishibilo pa fyaba muli Baibolo?—Ibula 3, amaparagrafu 1-3 ne bula 30, paragrafu 2; Luk. Mil. 12:9, 10.
5 Broshuwa we Sambililo lya Baibolo: Imifwaile yesu mu butumikishi lyonse ifwile ukuba iya kutendeka isambililo lya Baibolo, nampo ni lintu twalanshanya umuku wa kubalilapo atemwa lintu twabwelelako. Kuli iyo mifwaile, twalikwata broshuwa akonkelepo uwaanguka ukubomfya ku kutendeka no kutungulula amasambililo ya Baibolo aya pa ng’anda:
Cinshi Cintu Lesa Afwaya Kuli Ifwe?
Bushe mwalishiba ukuti mu maminiti ukufuma kuli 30 ukufika kuli 40 cila mulungu pa milungu 16, kuti mwaishiba ifintu fya kutendekelako ifya Baibolo?—Isambililo 2, paragrafu 6; 2 Tim. 3:16, 17; km 5/97 ibu. 4.
6 Mu cilangililo ca mwina Samaria wa bucibusa, Yesu alangilile ukuti umwina mupalamano wa cine cine ni umo uulangisha ukutemwa ne cikuuku ku kwaafwa uuli mu bucushi. (Luka 10:27-37) Abena mupalamano bali mu bucushi bwa ku mupashi. Balekabila ukumfwe mbila nsuma. Natusakamane umulimo wa ku bashimikila, na muli fyo ukuishininkisha ukuba abasambi ba cine cine aba kwa Yesu Kristu.—Mat. 24:14; Gal. 5:14.