Mwe Bacaice—Bomfyeni Bwino Inshita Ilyo Mucili pa Sukulu
1 Bushe muyumfwa shani nge sukulu lyabuuka? Bushe mulafwaisha ukunonkelamo mu ciputulwa na cimbi ica kusambilila? Bushe mukabomfya bwino amashuko ayo isukulu limupeela ku kushimikila icine kubo musambilila na bo na bakafundisha? Twalishininkisha ukuti mulafwaya ukucita apo mwingapesha mu sukulu.
2 Mube Abana Basuma pa Sukulu: Nga ca kuti mulaipekanishisha bwino ilyo mwaya ku sukulu kabili mulakutikisha, mukamwenamo apakalamba. Mulecincila mu kucita ifya ku sukulu, lelo mwilalekelela ifya ku sukulu ukupumfyanya ifya teokrasi.—Fil. 1:10.
3 Tendekeni iciputulwa ca kusambilila icipya ice sukulu ukupitila mu kubelenga broshuwa wa Inte sha kwa Yehova na Masomo. Lyene imwe nelyo abafyashi benu mulingile ukupeela bakafundisha wenu broshuwa. Lekeni beshibe ukuti ifipusho fyonse ifyo bakwete fikaasukwa. Ici cikabalenga ukumfwikisha ifishinte fyenu ne fisumino kabili bakabombela capamo nenu ilyo mulebomfya ifyo mwasambilishiwa. Na kabili ici cikalenga bakafundisha wenu ukushininkisha ukuti imwe na bafyashi benu mufwaya ukubombela capamo na bo ilyo balemwaafwa ukukwata amasomo yacindama.
4 Mube Bakashimikila Basuma: Mulandu nshi mushingamwena isukulu nge cifulo cenu ica kubombelamo ku kucita ubunte bwa mu lyashi? Mu mwaka uleisa, mukaba na mashuko yaibela aya kushimikila. Mwalikwata ukwishiba kwa ku mupashi ukushaiwamina uko lintu mwashimikilako bambi, kuti ‘kwamupususha na balemuumfwa.’ (1 Tim. 4:16) Ukupitila mu kuba ne myendele isuma no kushimikila ilyo mwakwata ishuko, mukainonsha no kunonsha bambi.
5 Munyina umo uwacaice aleshimikila mu bunte bwa mu lyashi ku bana be sukulu banankwe. Pa baankwileko bwino pali Katolika, mukanalesa uwaletumfya abasumina muli Lesa, uwacaice uwalepeepa sana fwaka no kunwa sana ubwalwa. Muli uku kushimikila, uyu munyina wacaice aafwile abana be sukulu banankwe 15 ukuipeela no kubatishiwa!
6 E co mwe bacaice, muleibikilishako ku kusambilila no kushimikila mu cifulo cenu ica kubombelamo icaibela. Lyene mukanonkelamo nga nshi ilyo mucili pa sukulu.