Programu Mupya uwa Bushiku bwa Kulongana Kwaibela

Programu wa bushiku bwa kulongana kwaibela atendeke mu 1987. Uku kubungana kwa bushiku bumo kulaba ukwa kukuulilila nga nshi ku babomfi ba kwa Yehova na kuli bambi abafwayo kusambilile cine abasangwako. Ukutendeka mu September 1998, programu mupya uwa bushiku bwa kulongana kwaibela akalapeelwa. Mukamwenamo lwa ku mupashi mu malyashi 9, ifya kukumanya ifingi, no kulanshanya kwa kwipusha bamunyina balekanalekana.

Programu mupya akwete umutwe wa kuti “Langeni Ukuti Mulatasha pe Tebulo lya kwa Yehova.” (Esa. 65:14; 1 Kor. 10:21) Uyu programu akakosha umupampamina wesu wa kuti lyonse tukalatangishako ukupepa Yehova mu mikalile yesu. (Ilu. 27:4) Ilyashi likalanda kangalila wa muputule ilikakwata umutwe wa kuti “Ukuceeceeta Ukwelenganya kwa Mitima Yesu,” likalanda pa fyo tufwile ukulamono kulongana. Kalanda umutandashi akatulangilila ifyo twingasungilila bumupashi, mu lyashi lya kuti “Sungilileni Bumupashi Bwenu Ukupitila mu Kulya pe Tebulo lya kwa Yehova.” Abacaice bakakoseleshiwa ukuti pa kuti cikabawamine bafwile ukupampamina fye pa kubombela Yehova mu kuteyanya kwakwe. Ilyashi likalamba ilikalandwa na kalanda umutandashi likalati “Abakoshiwa lwa ku Mupashi ku Kushimikila Ukwabulo Mwenso.” Likatweba fintu ukupayanya kwabako mu cilonganino kutukosha ukushimikila Ubufumu ukwabulo mwenso. Cine cine, takuli uwingatemwa ukupuswa ku kumwenamo muli programu wa musango yo!

Abaipeele nomba line abalefwaya ukuyabatishiwa, bepoosa na nshita ukweba kangalila wa kutangilila. Natucetekela ukuti lintu tuleingila mu mwaka walenga 12 ukufuma apo programu wa bushiku bwa kulongana kwaibela atendekeele, bonse tukakoseleshiwa lwa ku mupashi ukutwalilila fye ukulabomba.