Ibungano lya Citungu Ilya Nte sha kwa Yehova Ilya 1999 Ilileti “Icebo ca Kusesema Ica kwa Lesa”

¹ Ilyo abena Israele bali mu matololo, Yehova aebele Mose ukucita amapenga yabili aya silfere. Nga balisha mwi penga limo, abakankaala ba mu mikowa bali no kulongana ku mwinshi we hema lya kulaishanya. Nga balisha muli yonse yabili calelangilila ukuti ulukuta lonse lwali no kulongana. (Impe. 10:1-4) Bushe ilelo, tatutemwa ukumfwa ukubilisha ukutulonganya capamo ku mabungano ya citungu aya pa mwaka nga filya amapenga yalelonganya abena Israele? Ku mabungano yesu tupokelelako amakambisho ya kwa Yehova no kutungulula ukupitila mu Cebo cakwe na beminishi bakwe abasontwa. Ici cilatwaafwa ukutwalilila abashangila mu kubombela Lesa. Bushe tatutemwa ukumona bakapepa banensu amakana, napamo ukucilanapo, balongana capamo mu kutemwa kabili mu mutende? Cine cine tulatemwa!—Amalu. 122:1, 7, 8.

² Mu myeshi ya August na September umwaka wapwile, kwali Amabungano ya Citungu 52 muno Zambia ayaleti “Imikalile ya Bukapepa.” Bamunyina ne nkashi baliipakishe ukubishanya kusuma. Ilyo tukalongana capamo kwi bungano lyesu ilya 1999, tukakwata amashuko yalundwapo aya kuipakisha bumunyina bwawamisha no kutasha Yehova pa kwikatana atupeela.

³ Ukwa Kwikala: Ilingi line bamunyina balatantika ukwikala na balupwa nelyo ifibusa mupepi no kubelele ibungano. Mu mishi, bamunyina balakuula imisakuta nelyo ukusendama mu fiyanda ifyo bakabomba ba kwi bungano bateyanya. Amabungano yamo yashima ifikuulwa fya pa masukulu ku kwikalamo abeshile. Nga muleikala kuli bamunyina nelyo balupwa, tacalinga ukulya umundemwa no kwenekela ukwikalako inshiku na shimbi pa numa ye bungano. Iyi miputule ya kubomfya fye pe bungano epela. Abalesungwa balingile ukushininkisho kuti bene pamo na bana babo bacindika ing’anda ya kwa shibweni no kukanaonaula icili conse nelyo ukusakawila mu fipe nelyo ukwingila ukushilingile kwingilwa. Nga kwaba ubwafya pa lwa ici, bashibweni balingile ukweba Dipartimenti wa Mayanda pe bungano, kabili bamunyina bakaitemenwa ukwaafwa.

⁴ Ukucilikilo Mulilo na Masanso Yambi: Icilenga sana umulilo pa mabungano te kwipikila mupepi no musakuta, lelo bana abangasha umulilo nelyo abo bashiila ukwipika. E co, pa kusengauka ubusanso bwingamuponena na bamunyinenwe, mwileka abana benu balelulumba beka; mwishiila abana amenshi yalebilauka, nelyo ukwipika. Napamo balabomba bwino ifi ku ng’anda, lelo icifulo ce bungano capusanako kabili ukusakamana kwalundwako kulefwaikwa ku kusengauka amasanso. Kuno kwena abantu bekala pepi pepi, kabili abana balitemwa ukwangala nga bali na bana banabo. Balalafiwa bwangu no kukanamona ubusanso, na muli fyo tatufwile ukubashiila kandulo, machisa nelyo ilampi. Ubwafya na bumbi bwisa ilyo abafyashi baya ku kulongana no kusha abana beka ku misakuta. Abana balingile ukwikala na bafyashi ilyo amalyashi yalelandwa. Ilyo bakapyunga bamona abana balelulumba beka pe bungano, balingile ukubabwekesha ku bafyashi. Mwe bafyashi, twapaapaata ikataneni na bakabomba ba pe bungano na muli fyo ukulangisha ‘ukutemwa aba bwananyina.’—1 Pet. 2:17.

⁵ Ukuteyanya kwa kwa Yehova mu kutemwa kulapeela ifya kucinkulako pa nshita yalinga pa lwa mabungano. Ku ca bulanda, mu mabungano yamo yamo mu myaka yapita, ifipe fya bamo fyalipiile ku mulilo wayambwike ku mulandu wa mulekelesha. Bamunyina bashingamwa pe bungano, kabili maka maka abafyashi, balelombwa ukusakamana sana ifi fishinka fyakatama pa kuti amabungano yakabe ya kukuulilila no kubishanya kusuma, kwikaba ubulanda pa mulandu wa masanso yafuma mu mulekelesha.

⁶ Umfwileni Ukutungulula kwa Sosaite: Ici e cimo ica fintu tulingile ukwangwako sana. AbaHebere 13:17 batila: “Beni aba cumfwila ku balemutungulula, no kubanakila; pantu bene balinde myeo yenu, nga bantu abakaba no kulubulula. Lekeni bacite ico no kusekelela, te mu bulanda iyo; pantu nga cabe fi, ninshi te ca kumwafwa cintu.” Tulelombwa ukwikatana mu filumbwilwe pa muulu. Bamunyina nga bamona ica kumwenako cesu, cilalundako ukutemwa, ukwikatana, no kubombela pamo.—Moneni 1 Abena Korinti 16:16; Abena Filipi 2:1-4.

⁷ Ukusakamana Abali no Kukabila Kwaibela: Twapaapaata angweni abakoloci, abanakuka ku mubili, aba mu mulimo wa nshita yonse, nelyo bambi aba mu cilonganino cenu ababa no kukabila kwaibela kabili abengafwaya ukwaafwa ukusangwa kwi bungano. Balupwa, baeluda, na bambi mu cilonganino abeshibe abali mu mibele ya musango yo iyaibela mu kutemwa kuti babapekanishisha.—Linganyeniko 1 Timote 5:4.

⁸ Formu wa Kulomba Umuputule uwa Sosaite alitantika imilingo ya bafikapo ukulomba umuputule. Ici cicitilwa fye bakasabankanya abashimikwa bwino, ukusanshako abakwata abana abomfwa, abasuminishiwa na Komiti wa Mulimo uwa Cilonganino. Ilyo mushilalemba formu wa Kulomba Umuputule, belengeni ifyebo fyaba pe samba lya formu no kufyumfwikisha. Aya maformu yalingile ukutumwa ku Dipartimenti wa Mayanda mu kwangufyanya.

⁹ Ukusangwa kwi Bungano Limbi: Icilonganino cimo cimo caebwa ukusangwa kwi bungano mupepi no ko cabela. Ukushimpwa pa mpendwa ya bakasabankanya abaebwa ukusangwa kwi bungano limo, Sosaite ilatunganya impendwa pa kuti ipekanye ifipuna fyakumanina, ukwa kwikala, ifitabo, na fimbipo. Nangu cibe fyo, nga kuli umulandu usuma uwa kusangilwa kwi bungano limbi kabili mulekabila ukwa kwikala, kalemba wa cilonganino kuti alomba formu wa Kulomba Umuputule ukufuma ku Sosaite, untu mulingile ukulemba no kutwala basainapo. Lyene tumeni kwi bungano mukasangwa.

¹⁰ Sosaite ilapokelela bakalata abengi ukufuma kuli bamunyina ne nkashi abatasha ukupekanya babapekanishishe. Ulupwa lumo lwatile: “Tulefwaya ukumwebo kuti twalitasha nga nshi pe bungano. Natwishibe fyo talyali fye kuli cela mushuke, lelo ni pa mulandu wa kubombesha kwa bamunyina abengi. Twalemba uyu kalata ku kumutasha.”

¹¹ Tulemukoselesha ukuteyanya nomba pa kuti mukasangwe kwi Bungano lya Citungu ilya nshiku shitatu ilya 1999 ilileti “Icebo ca Kusesema Ica kwa Lesa.” Tuleenekela ukuti bonse pamo lwa ku mupashi tukomfwa “kapundu no lwimbo lwa kutootela” ukufuma ku bapepa Lesa nga cinkukwe waikatana. (Amalu. 42:4) Shi Yehova apaale ukuteyanya konse ukulebombwa pa kuti lyonse tulenonkelamo lwa ku mupashi.

[Akabokoshi pe bula 4]

AMABUNGANO YA CITUNGU AYA 1999 AYALETI “ICEBO CA KUSESEMA ICA KWA LESA”

AUGUST 13-15

KU CHINGOLA CB-11a, CB-11c ICIBEMBA

KU CHINSALIN-2b ICIBEMBA

KU KAFUES-3,S-4 ICICHEWA NE ICITONGA

KU LUSAKA LK-1, LK-2, LK-3, LK-5 ICICHEWA

KU LUSAKA EC-1 ICINGELESHI

KU LUWINGU N-7, N-8b ICIBEMBA

KU MAPANZA S-2b, S-2d ICITONGA

KU MKUSHI C-7 ICIBEMBA

AUGUST 17-19

KU KALUNGU N-2a, N-3 ICIBEMBA

KU LUSWISHI CB-9 ICIBEMBA

KU LYENGA (Chongwe) LK-4 ICICHEWA

KU MUMBWA C-1, C-2b ICITONGA

KU MUTENDA NW-6 ICIBEMBA

KU NSAMA N-6, N-8a ICIBEMBA

AUGUST 18-20

KU KASEMPA NW-2 ICIBEMBA

KU NYIMBAE-1,E-2a ICICHEWA

KU SIKUNDU (Kalabo)W-3a,W-3c ICILOZI

AUGUST 20-22

KU LUSAKA LK-6a ICIBEMBA

AUGUST 21-23

KU KABOMPO NW-1 ICILUBALE

KU KASHITU C-6a, CB-3 ICIBEMBA

AUGUST 22-24

KU KAOMAW-1,W-2a,W-2b ICILOZI

KWA MUNUNGAL-1 ICIBEMBA

KU MUYOMBE N-2c ICITUMBUKA

KU PETAUKEE-2b,E-9 ICICHEWA

KU SENANGAW-4a,W-4c ICILOZI

AUGUST 23-25

KU MPIKA N-1 ICIBEMBA

KU MUTOYA(Mwinilunga) NW-3 ICIBEMBA

AUGUST 26-28

KU KABULA CB-12b,L-4 ICIBEMBA

KU KATETEE-4b,E-4c,E-5 ICICHEWA

KU LUNDAZIE-8 ICITUMBUKA

KU MWANDIW-5a, W-5c ICILOZI

AUGUST 27-29

KU CHILILABOMBWE CB-11b ICIBEMBA

KU KASAMA N-5 ICIBEMBA

KU MONGUW-2c,W-3b ICILOZI

KU MPONGWE CB-1 ICIBEMBA

KU SOLWEZI NW-4, NW-5 ICIBEMBA

AUGUST 30-SEPTEMBER 1

KU MULOBEZIW-5b, W-4b ICILOZI

KU SAMFYAL-7,L-8 ICIBEMBA

SEPTEMBER 1-3

KWA MWEWAL-6 ICIBEMBA

KU NYANJEE-3,E-10 ICICHEWA

SEPTEMBER 2-4

KU MALAMBANYAMA C-2a, C-3 ICITONGA

SEPTEMBER 3-5

KU CHIPATAE-4a,E-6,E-7 ICICHEWA

KU KALOMO S-1, S-2a, S-2c ICICHEWA NE ICITONGA

KU LUANSHYA CB-2 ICIBEMBA

KU MANSAL-5 ICIBEMBA

KU MUFULIRA CB-10, CB-12a ICIBEMBA

SEPTEMBER 5-7

KWA KAZEMBEL-2,L-3 ICIBEMBA

SEPTEMBER 6-8

KU LUALABA C-5 ICIBEMBA

SEPTEMBER 10-12

KU KABW EC-4, C-6b, LK-6b ICIBEMBA

KU MBALA N-4 ICIBEMBA

KU NDOLA CB-4, CB-5 ICIBEMBA