Ifya Kulanda Pali Bamagazini

Ulupungu lwa kwa Kalinda Apr. 15

“Abengi balishiba ili pepo. [Belengeni Mateo 6:10b.] Bamo batila fyonse ificitika mu bumi e lyo na macushi yene, kufwaya kwa kwa Lesa. Bushe mwalitala amutontonkanya pali ci? [Lekeni asuke.] Cinshi caba ukufwaya kwa kwa Lesa kwi sonde, kabili ni lilali kukafikilishiwa umupwilapo? Amaasuko ya mu Baibolo kuli aya mepusho yali muli uyu magazini.”

Loleni Apr.-Jun.

“Muli cino calo ca ndakai, abantu bamo tabakwata isubilo. Bushe na imwe mulayumfwapo ifi inshita shimo? [Lekeni basuke. Lyene belengeni Abena Roma 15:4.] Abantu abengi balishiba ifyo cacindamina ukuba ne subilo. Mwalatemwa ukwishiba imilandu ya mu Malembo 7 iya kubela ne subilo iili muli uyu Loleni!”

Ulupungu lwa kwa Kalinda May 1

“Pa kwesha ukuwamyako ubwikashi bwa bantu, bashimapepo bamo balaipoosa mu mapolitiki. Lelo, moneni ico Yesu acitile ilyo abantu balefwaya ukumucite mfumu. [Belengeni Yohane 6:15.] Yesu apoosele amano ku cali no kwafwa abantu umuku wa limo. Uyu magazini alelondolola ico cintu.”

Loleni Apr.-Jun.

Nangu ca kuti Baibolo tayaba citabo cilanda pa muti, yalikwata ukufunda kusuma pa kulya mu kulinga no kunwa mu kulinga. Bushe mwalibala amutontonkanyapo ifyo cingawama nga ca kuti abantu balelinga mu kulya no kunwa? [Lekeni basuke] Iyi magazini naikwata ukufunda kusuma ukwa mu Malembo. [Belengeni Amapinda 23:20.]”