Ukushalika Icitabo ca kuti Sambilila Kuli Kasambilisha Mukalamba
◼ “Bushe ubwikashi mu calo kuti bwawama abantu nga baleumfwila aya mashiwi? [Belengeni Mateo 7:12a. Lyene lekeni basuke.] Icitabo ici cikwete amasambililo ayengi ayo umuntu wakulisha uwabalile abako uwa mweo afundile.” Komaileni pa fikope na pa mashiwi yalelondolola ifikope mu cipandwa 17.
◼ “Ndakai, abafyashi abengi balasambilisha abana babo imisango isuma. Imwe muletipo shani? Bushe calicindama ukusambilisha abana imisango iisuma? [Lekeni basuke. Lyene belengeni Amapinda 22:6.] Moneni ukuti abafyashi babakoselesha ukutendeka ukusambilisha abana babo ilyo bacili abanono. Icitabo ici calembelwe ku kubafwa ukubasambilisha.” Komaileni pa fikope na pa mashiwi yalelondolola ifikope fili mu fipandwa 15, 18, nelyo 32.
◼ “Ilingi line abafyashi balapapushiwa ku mepusho abana babo bepusha. Amepusho yamo yalyafya ukwasuka, bushe te ifyo? [Lekeni basuke. Lyene belengeni 2 Timote 3:14, 15.] Bana Timote na banakulu batendeke ukusambilisha Timote Amalembo ilyo ali akanya. Icitabo ici kuti cayafwa abafyashi ukucita cimo cine ku bana babo leelo.” Komaileni pa fikope finono fye na pa mashiwi yalelondolola ifikope ayali mu fipandwa 11 na 12 nelyo ifipandwa 34-36.