Ukupituluka Mu Kulongana Kwa Muputule

Fino fyebo fikabomba ku kupituluka no kulanshanya mu malyashi pa ntanshi na pa numa ya kulongana kwa muputule ukwa mwaka wa mulimo uwa 2005. Icipande ca mutwe wa kuti “Inshila Ipya iya Kupitulukila mu Kulongana Kukalamba,” icili pe bula 4 ilya cino ica mu kati e cilelondolola ifyo uku kupitulukamo kwakulaba. Ilyo mulepitulukamo, akanyeni bwino inshita pa kuti mube na maka ya kulanshanya amepusho yonse. Ukupitulukamo kufwile ukukomaila sana pa fyo twingakonke fyebo fyalandilwe.

UBUSHIKU BWA KUBALILAPO ULUCELO

1. Cinshi cikatwafwa ukunonka amano yafuma kuli Lesa?

2. Ababa mu muputule wesu babombesha shani pa kuti bashimike imbila nsuma ku bantu abengi?

UBUSHIKU BWA KUBALILAPO ICUNGULO

3. Mulandu nshi cacindamina Abena Kristu ukukanakowela lwa nkati? Cinshi tufwile ukucita pa kukanakowela?

4. Kuti twaba shani aba mutende kuli bamunyinefwe?

5. Ukunakilila e cinshi, kabili kuti twaba shani abanakilila ukukuma ku fyo tubomfya inshita yesu?

6. Cinshi tusambilila kuli Shauli na Noa? Kuti twalanga shani ukuti tuli ‘ba cumfwila’? (Yako. 3:17)

7. Abena Kristu kuti bataluka shani ku kuba no bumbimunda?

8. Kuti twapashanya shani Paulo mu kulanda pa mano ya kwa Lesa?

UBUSHIKU BWALENGA SHIBILI ULUCELO

9. Mulandu nshi tufwile ukucenjelela ilyo tulesala ifya kucita, kabili cinshi cikatwafwa ukucenjela?

10. Aba mu muputule wesu balebombesha shani pa kuti balesangwa ku kulongana lyonse, kabili banonkelamo shani?

11. Imitwe ya ndupwa kuti yakosha shani aba mu mayanda yabo?

12. Finshi twaebelwe ukuti e fili ukukabila kwa muputule?

UBUSHIKU BWALENGA SHIBILI ICUNGULO

13. Nga filya ilyashi lya ku cintubwingi lyalandile, milimo nshi iyalungama iyaletwako na mano yafuma ku muulu?

14. Mulandu nshi cabela buwelewele ukuicetekela fwe bene nangu ukucetekela abashikonka amano yafuma kuli Lesa? Ni mbali nshi tufwile ukucenjelamo?

15. Ni ku masanso nshi amano yafuma kuli Lesa yatucingilila?

16. Mulandu nshi cacindamina kuli ifwe ukukonka ukufunda twapokelele pa kulongana kwa muputule?