Ukupituluka Mu Kulongana Kwaibela

Fino fyebo fikabomfiwa ku kupituluka no kulanshanya mu malyashi pa ntanshi na pa numa ya kulongana kwaibela ukwa mwaka wa mulimo uwa 2005. Icipande ca mutwe wa kuti “Inshila Ipya iya Kupituluka mu Kulongana Kukalamba,” icili pe bula 4 ilya cino ica mu kati e cilelondolola ifyo uku kupitulukamo kwakulaba. Ilyo mulepitulukamo, akanyeni bwino inshita pa kuti mube na maka ya kulanshanya amepusho yonse. Ukupitulukamo kufwile ukukomaila sana pa fyo twingakonka ifyebo fyalandilwe.

ULUCELO

1. Mulandu nshi kubelele ukukabila kukalamba ukwa kukutika kuli Yehova? Ukukutika kwalola mwi? (“Umulandu Nshi wa Kukutikila kwi Shiwi lya kwa Yehova”)

2. Indupwa kuti shacita shani pa kuti shitantike bwino ifya ku mupashi? (“Indupwa Ishikutika ku Cebo ca kwa Lesa Ukwabulo Kupumfyanishiwa”)

3. Aba mu muputule wesu bashukila shani amashuko ya kushimikila ubunte bwa mu lyashi? (“Ukucita Fyonse ku Kucindika Lesa”)

4. Finshi twingasambilila ku ca kumwenako ca kutusoka icisangwa mu AbaHebere ifipandwa 3 na 4? Yehova alanda shani kuli ifwe pali leelo? (“Ukukutika Ilyo Lesa Alelanda Kulatucingilila”)

5. Mwanonkelemo shani mu lyashi lya lubatisho? (“Ukuipeela no Lubatisho”)

ICUNGULO

6. Cinshi twingasondwelela pa fyacitile Yesu ilyo aali umusepela, kabili ni shani fintu imisepela mu muputule wesu ilepashanya ica kumwenako cakwe? (“Ifyo Ukukutikisha ku Cebo ca kwa Lesa Kukosha Imisepela Yesu”)

7. Ni nshila nshi shimo isho abafyashi bengatendeka ukukanshishamo utunya na bana banono ukukonka inshila sha kwa Yehova? (“Abana Banono Abakutika no Kusambilila Kuli Lesa”)

8. Ni mbali nshi shimo isha kulungatika umo tulekabila ukukutikisha kuli Yehova, ku Mwana wakwe, na ku “musha wa cishinka kabili uwashilimuka”? (Mat. 24:45) Mulandu nshi cacindamina ukuti tucite fyo? (“Angweni ku Kusambilisha kwa Bulesa”)