Ukushimika Ubunte Ukwabule Cebo
1 Ububumbo bwa kwa Yehova busokolola ifingi pa mibele yakwe iishimoneka ukwabule cebo. (Amalu. 19:1-3; Rom. 1:20) E cimo cine ne mibele yesu iisuma iya Bwina Kristu, no kufwala kwesu ukwalinga kulapeela ubunte ukwabule cebo. (1 Pet. 2:12; 3:1-4) Bonse tulingile ukufwaisha “kupuulamike isambilisho lya kwa Lesa, Umupusushi wesu, muli fyonse.”—Tito 2:10.
2 Bushe ni mu nshila nshi isambilisho lya Baibolo lingabela ilisuma ku bantu bashapwililika? Ici kuti cacitika fye nga paba Icebo ca kwa Lesa na maka ya mupashi wa mushilo. (Amalu. 119:105; 143:10) Icebo ca kwa Lesa “ca mweo kabili ca maka kabili calitwa ukucila ulupanga ulwatwila kubili kubili.” (Heb. 4:12) Cilengila muli ifwe kabili citulenga twafwala ubuntu bupya. (Kol. 3:9, 10) Umupashi wa mushilo ulenga twaba ne mibele isuma pamo nga, icikuuku, ubusuma, ukufuuka, no kuilama. (Gal. 5:22, 23) Bushe kuti twatemwa icebo ca kwa Lesa ukwalula ubumi bwesu?—Efes. 4:30; 1 Tes. 2:13.
3 Bambi Bakatumona: Nga ca kuti twabaka amafunde ya kwa Yehova no kwesha ukupashanya imibele yakwe, bambi bakatumona. Ica kumwenako ca mwaume umo umwipi uo baletumfya ku bo alebomba na bo. Nkashi uwalebomba nankwe mwi ofesi limo line ena lyonse alemucindika. Ici calengele uyu mwaume ukwipusha nkashi ico ena ashalemutumfisha. Nkashi amwaswike ukuti ico alemucindikila ni co aishibe Baibolo na mafunde ya mu Baibolo. Ne ci calengele alondolole ulwe subilo lyawamisha ilya Bufumu. Umwaume atendeke ukusambilila Baibolo kabili alilundulwike no kubatishiwa. Ilyo abwelele ku mwabo, ba lupwa lwakwe balitemenwe ukumona ifyo ayalwike na bengi balitendeke ukusambilila icine.
4 Imibele yesu iisuma no bunte tushimika pa ncito, pa sukulu, na kuli ba lupwa lwesu na bo twapalamana na bo kuti fyalenga bambi balumbanya Lesa.—Mat. 5:16.